-ANGELICA-
Hapon na ng makauwi ako galing kina Mariza. Pagpasok ko sa loob ng bahay ay naabutan ko si Mama na tahimik na nakaupo sa sala. Napatingin naman ako sa taong natutulog sa mahabang sofa. Jared?! Bakit nandito pa siya? Nang mapansin ako ni Mama ay agad siyang tumayo at lumapit sa akin.
"Kanina ka pa niya hinihintay," pabulong na wika ni Mama. Kumunot naman ang noo ko.
"Bakit naman po?" nagtatakang tanong ko.
"Nakalimutan mo na ba? 'Di ba ang sabi mo sa kaniya ay mag-uusap kayo pag-uwi mo? Kaya nga hinihintay ka niya." Napasapo na lang ako sa noo ko.
"Dapat umuwi na po siya. Mag-aalas-singko na po. Puwede naman pong bukas kami mag-usap," napapakamot sa ulong wika ko.
"Dapat sinabi mo sa kaniya na bukas na kayo mag-uusap para hindi ka na niya hinintay. Na
