-ANGELICA-
Kaaalis lang nina Mariza at Jared. Naiwan kami nina Katty, Jah, Ana, at Cheche. Medyo gulat pa rin kami dahil sa sinabi ni Mariza. Nasaktan ako noong sinabi niyang hihiwalay sila sa amin at mas lalo akong nasaktan ng hindi niya ako pinansin noong tinawag ko siya. Sinubukan ko kaninang umaga na kausapin siya kaya lang iniiwasan niya lang ako. Naisip ko na baka hindi pa siya handa ngayon kaya pinagpaliban ko muna. Pagkatapos ay ganito na nga ang nangyari.
"Baka kaya ayaw niyang sumama sa atin sa iisang school ay dahil galit siya sa akin," tulala pang wika ko sa kanila.
"Ano ka ba naman, Angel! Huwag mong isipin na kasalanan mo na naman! Hindi sa lahat ng pagkakataon ay ikaw ang may mali!" inis na wika ni Ana.
"Oo nga, Angel! Baka may iba siyang dahilan. Mag-usap
