-ANGELICA-
"Mariza!" malakas na sigaw ko. Hinihingal na napaupo ako sa kama ko. Panaginip lang ba 'yon?
"Princess, okay ka lang ba?" Napatingin ako kay Papa ng tanungin niya ako. Nandito pala sila sa loob ng kuwarto ko.
"Papa! Totoo po ba 'yon? Si Mariza... Si Mariza..."
"Yes, Princess. Hindi panaginip iyon. Lahat 'yon ay nangyari kanina," malungkot na wika ni Papa. Naramdaman kong tumulo ang mga luha ko.
"Pa, kumusta po si Mariza? Si Jah?" nag-aalalang tanong ko.
"Okay na si Mariza. Natanggal na ang bala sa likod niya. Pinuntahan na rin siya ng mommy at daddy niya kanina. Titingnan pa ulit si Mariza ng mga doktor pagkagising niya. Si Red---I mean si William naman ay dinala sa Mental hospital dahil napag-alamang may Mental Disorder ito. Hindi siya puwedeng ikulo
