-JARED COLTON-
'Ang sabi mo sa akin ay hindi tayo maghihiwalay, pero bakit iiwan mo na ako? Huwag mo akong iwan!'
Napabalikwas ako ng bangon. Nananaginip na naman ako. Bakit napapanaginipan ko na naman si Mariza? Siguro dahil paunti-unti nang bumabalik ang mga alaala ko. Sa dami ng memories ko, bakit si Mariza lang ang paulit-ulit kong napapanaginipan? Nakakapagtaka lang.
Napatingin ako sa orasan na nasa bedside table ko. 5:45 am na pala. Maghahanda na ako sa pagpasok. Kailangan ko pang sunduin si Mariza. Pangalawang araw ko pa lang na gagawin ito pero napakarami ng naikuwento ni Mariza sa akin. Kaya lang kahit isa sa mga 'yon ay hindi ko maalala. Naikuwento niya rin sa akin na childhood crush namin ang isa't isa at nangako raw kami na magpapakasal kapag malaki na kami. Medyo nailang a
