الفصل الاول

1370 Words

تملَّكتِ الفـــُؤادَ بــــدون ِ علمي فمـا أزهــى الفـؤادَ و أنـتِ فيـهِ وأَحكَمتِ القيـودَ علـيَّ حبّــــــا ً فــلا حــقٌّ لـــــــديَّ لأدّعيـــــه ِ وأعلنتُ الخضـوعَ إليـكِ طوعـا ً فرفقــا ً بالمُعَــذَّب ِ و اسعفيــه ِ وإنْ شئــت ِ ال*قوبــةَ نفّذيـهـا وإنْ شئت ِ المُــرُوءةَ فارحميه ِ فلا شكـوى لــديَّ وقدْ أُسـِرتُ فلـطـفــا ً بالأسيــرِ أو ِ اقتليـه ِ ''''''''''''''''''''''البارت 1 قلوب وشواطئ طائر بلا تغريد رؤى ألجبوري راح نبدي وياكم بقصة قلوب وشواطئ طبعا القصه راح أبدي وياكم بيهه من سنة 1984 لحد سنة 1992 راح نمشي ويه الأبطال خطوه بخطوه هواي أشياء راح تشوفونهه من زمن النظام البائد فشدو الحزام لنبدأ الرحله مع سجاد و حسن وعيشه و حنان وطبعا اكو ابطال ثانوين راح نتعرف عليهم بالقصه المكان ...... البصره شط العرب الزمان ..... 10/1/ 1988 الساعه .... 5 الفجر طلعت من الفجر اتنفس الهوى وأذبه أريد أشبع من هوى البصره مامصدك عيوني رغم كميت الدمار الي صاير بس تبقى البصره بعيون اهلهه احلى عروس امشي واباوع الاماكن هنا جنه ناكل لفات هنا كعدنه اني وايسر وجليل هنا تعاركت ويه عبود دمار هنا. انكتلت من أبويه لان شردت من المدرسة اوووووف ذكريات .... وصلت للشط الدنيه توه خيط ضوء بيه . گعدت على طابوگه واباوع النهاية الشط منضر خلاب المي صار لونه احمر على ابيض من خيوط الضوء هوى بارد منعش نزعت القمصله رغم بارده بس حبيت هوى الشط يدخل بكل جسمي ابتسمت وآني اتذكر ليلة الطلعنه من البصره قبل أربع سنوات جان عمري 14,سنه بيومه جان اكو معركة طاحنة بين الجيش العراقي وجيش أيران . منطقتنه صايره بحدود أيران قريب على شط العرب الي اخذو الايرانيين ويسمونه شط الفارسي ابويه وامي گاعدين ظهر على ظهر وآني واخوتي راضي عمره 12 سنه و فاطمه عمره 18, سنه وزهره عمره 20, سنه فاطمه وزهره بحضن أمي يرجفن من الخوف وآني وراضي بحضن ابويه امي ويه كل صوت طلقه تصيح احظرنه ياعلي دخيلك ياعلي مروتك يبو الايتام ابوي يقرأ الأيه الكريمه وجعلنا من بين أيديهم سدا ومن خلفهم سدا فأغشيناهم فهم لا يبصرون . ومن يصير صوت قوي نتحاضن عبالك راح ننجو من نحضن بعظنه مثل هيج وقت هدء شويه القصف صاح ابوي گومو كلمن يلبس ملابس ثگيله بعد مانبقى هنا راحت امي خلت جرجف بالگاع وگامت تجيب وتحط بيه الي تگدر عليه ملابس اكل أي شي سهل . لف أبويه الجرجف وشاله عدنه عربانه مال حمار ( اجلكم الله ) ابويه جان يشتغل بيهه بالسوك يحمل مسواك يشيل مواد فرشت النه امي بالعربانه حصير من خوص جانت امي شاطره تسفه بأيده و بطانيات ونومتنه وغطتنه وهيه ويانه وابويه طلع العربانه من البيت من وصلنه للشارع صعد ابويه وصار يض*ب ا****ر بسوطه حتى يتحرك بسرعه امي نامت بنصنه كل شويه تطلع راسه تباوع وترجع تغطي ماعرف شگد مشينه اخوتي ناموا من گد التعب لان النه ليليتين مانايمين نريد بس فرصة نطلع ماكو وگف ابويه العربانة .رفعت راسه امي ها ابو سجاد شكو ماكو شي بس الحيوانه تعبت لازم ترتاح لا تموت علينه بالطريق ها أي خوش كعدي الجهال وخلينه نرتاح شويه هنا وناكل لگمة كعدو يمه سجاد ها يمه گاعد اني يمه راضي فطومه زهره اگعدو انزلو شويه ارتاحوا نزلت فاطمه وزهره وامي فرشت النه جرجف جوه شجره بالبستان ابويه اخذ ا****ر وخلاه يسرح بلزرع راضي مدد رجليه امي طلعت خيار وطماطة ثرمته وطلعت خبز تسوي لفات وتنطينه صوت الاطلاقات بعده قريب علينه ويه كل طلقة نفز باوعت ابويه اخذ المنجل(مثل السجينه يحشون بيه حشيش للح*****ت) وراح يحش للدابة رحت ورى گتله يابه شسم هاي المنطقة والله بويه ماعرفه بعيده عن ديرتنه أي والله هواي بعيده بويه ما وصلنه للخلفيات مال الجيش لا بويه بعدنه شوف هذا البستان شلون محترك معناتهه اكو حرب هنا زين لازم نبتعد منا أي بويه لو مشينه هسى نگدر نوصل للخلفيات گبل المغيب جا كوم مشينه شويه خلي الدابة ترتاح بويه تراهي هم روح أي صح جا تعال اكل لگمة هسى بويه رد يم خوتك خليني احش جتات للدابه خاف ما نلگه بعد گدامنه حشيش هزيت راسي ورديت يم امي اخذت لفاتي كلتهن اج ابوي غسل اديه واخذ لفاته كلاهن صاح راضي يمه أريد لفه بعدني ماشبعت يمه العدنه زين يكفينه بس ركد روحك لمن نوصل المجان هاك بويه اكل لفتي بس ابو سجاد انت ماماكل شي من أمس مو جوعان اخذ بويه اخذ ألف عافية بقينه يمكن. ساعه بعده صعدنه بالعربانه ومشينه بس هلمره مانمنه لا تغطينه بالبطانيات ونباوع علشوارع الي خاليه من كل حياة لا بشر لا سيارات حتى ح*****ت هم ماكو عبالك مدينة أشباح بس اصوات المدافع والرشاشات والقنابل امي لازمه السبحه بأيده وتسبح ابويه كل شويه يلتفت علينه ويرجع يباوع الطريق الدابه تعبت الحمل عليه ثگيل تمشي على كيفه لا نگدر نض*به حتى تسرع لأن نخاف عليه لو ماتت شلون بينه الطريق خالي الى من كم سياره مال الجيش تمر علينه بسرعه بعد ساعتين الدابه وگفت بعد ما تمشي التفت علينه ابوي گال يلله ننزل شويه ترتاح الدابه نزلنه هلمره يم بيت صاح ابوي ام سجاد انتظروني اربط الدابه واجي راضي جان مستعجل يريد يدخل للحمام ركض للبيت صاحت امي عليه ولك راضي تعال لا تطب بيت الوادم ما سمعه أشر بأيده وگله هسه اجي بعد ما أگدر التفتت عليه ولك سجاد اللحگ اخوك لا يطب للبيت مانعرف شبيه مابيه ركضت ورى مالحگت بيه وصلت للبيت اباوع الباب مفتوح دخلت صحت راضي راضي ماكو مارد عليه تخبلت وين راح دخلت وعيني على البيت جبير حلو بس مهجور باب الكندور مفتوح طبيت واصيح راضي أول ما تدخل الكندور يصير گبالك باب براني مديت راسي تخم قنفات ابو البطيخه جنه نسميه وطبلات وحتى تلفون أرضي معرض متروس أشكال التحفيات كله متربة وريحة بارود رديت طلعت دخلت للهول قنفات ثنين وتلفزيون ملون صحت ولك راضي وين وليت ماكو صوت صرت اتنقل بعيوني وآني امشي على البيت الي اهله هجرو وشردو بأرواحهموشردو بأرواحهم طلعت من الهول صار گبالي مطبخ سمعت صوت دخلت شفت راضي فاتح الثلاجه ويطلع أكل عزه بعينك ولك شتسوي حجه بدون ما يلفتفت ولك سجاد اكل اكل روح صيح اهلك وتعال ناكل باوعت الثلاجة مليانه اكل الظاهر ماصار الهم هواي من طالعين رجعت طلعت اركض لاگاني أبوي بالباب ها ولك شكو اخوك وين بويه تعال اكو اكل بالثلاجة دخلت وأبوي وراي ويحجي علينه شبيكم ملگوفين بويه ماشايفين اكل أسمع امي تصلي على محمد وال محمد وعينه على البيت طلع راضي من المطبخ من سمع صوت ابوي بويه تعالو اكو ماي وجاي واكل عفيه عليكم ولكم حرام تمدون أد*كم على حلال غيركم اني هيج ربيتكم ابو سجاد اروحلك فدوه ماعاش الي يمد أيده على الحرام بس الاكل حرامات يبقه واحنه جوعانين وهلتشوف بعينك التعب والجوع ولو عفنا راح يعفن دنك بلگاع وهز راسه بقهر وطلع من المطبخ وهو يگول هيج وصلت بينه دخيلك ربي دخلت فاطمة وزهرة بعد ما طلع ابوي ولفرحة بعيونهن. وهنه يشوفن الاكل جرت أمي علاگتهه النايلون وترسته من الاكل الموجود وغطته گالت هذا ناخذه ويانه وكامت طبت الحمام احنه بقينه ناكل بشراهه عبالك بعد ما ناكل ابد ساعه وصاح ابويه يلله جنه عجبتكم الگعده هنا تراكضنه للحمام نغسل والي دخل للتواليت والي ترس دبه ماي ناخذه ويانه بعد ربع ساعه طلعنه من البيت ركبنه العربانة ومشينه النهار كله نمشي بس بطيئ آني متعود من جنه نروح للزياره احسب اعمدة الشارع گالي ابوي كل عشرين عمود يصيرن كيلو متر ومن يومه اني احسب الاعمده من مشينه بالعربانه صارت سولتي احسب اعمده بس الفرق جانت السياره ما الحك احسب لان سريعه هسه كل عشر دقائق يمكن يالله نكمل عمود المهم بعد ما نزلنه لحد ما صار الليل برد الجو حيل ابو سجاد شوفلنه مجان نبات بيه ميخالف بس كون نلگه بيت سد نبات خو ما بالشارع مشينه تقريب نص ساعه والبرد يگص بوجوهنه وگف ابوي يم صريفة ( مثل الكوخ ) يلله تعالو نطب هنا نزلنه واحنه خايفين ربط ابوي الدابه بخشبة الصريفه وطلعت امي فانوس جايبته. وياهه طلع شخاطه وعلگته اخذ ابوي الفانوس وطب للصريفه شويه طلع گالي سجاد جيب البطاطين وتعال نفرش ركضت اني وراضي نزلنه البطاطين صاحت امي افرش الحصير أول وبعدين البطانيه هزيت راسي وطبيت الصريفه كله تراب ومابيهه كلشي مبنيه من خوص وگصب فرشت الحصير وراضي فرش بطانيه طلع ابوي دخلهم گعدنه واحد بصف الثاني سوت امي بطانيه مثل المخده وأشرت النه نام جنه أنفذ بدون حجي تقرب ابوي على الفانوس طفا وگال خاف ينشاف الضوء وعبالهم ايرانين ويظربونه نام ابويه بجه وأمي بجهه وآني وراضي وفاطمة وزهره بالنص محد حجه بذيج الليله الكل فضل السكوت على الكلام نخاف لا ينسمع صوتنه وماكو كلام ينحجي بهيج موقف خلص الليل والي يمكن محد نام بين بس راضي الي جان عقله زغير رغم هو جبير بس عقله اصغر من جسمه قريب الفجر غفينه يمكن ويمكن لا طلع ابوي يحضر الدابه حتى نمشي شويه ونسمع ابوي يصيح لا حول الله رحمتك ربي طلعنه كلنه مفزوعين بره شفنه ؟؟؟؟؟؟؟

Free reading for new users

Scan code to download app

App Store Google Play

Facebookexpand_more