الفصل الثاني

1513 Words

البارت 2، قلوب وشواطئ طائر بلا تغريد رؤى ألجبوري مساء العسل الصافي سمعنه ابوي يگول لا اله الا الله طلعنه نركض جان نشوف ا****ر ميت امي تخبلت عبالك واحد من عدنه الي توفة احنه سكتنه اني وراضي والبنات وگفنه على صفحة وصافنين امي تملخ بروحه وتگول شلون بينه ليش ما دخلنا ويانه راح نموت هنا ابو سجاد شلون بينه هو أملنه يطلعنه منا ابوي بس ساكت مگابل ا****ر وساكت كانه خلص الكلام تقربت فاطمة گعدت گبال ا****ر تباوعلي وتبتسم خزرته بعدين تذكرت كلامه ابتسمت فاطمة اختي كلش فقيره وطيبه من جان عمره 11سنه راحت ويه أمي الفاتحة بيت جدي وجان نسابتهم من كربلاء موجودين فاطمة حلوه حيل وطويلة ونادره تشتغل وياهم وساعه تلطم وساعه تقدم ماي وجاي بعد ماخلصت الفاتحة بليل گاعدات النسوان وفاطمة مرت تقدم جاي صاحت اله المرية الكربلائيه وگالت يبنيه تعالي نعم خاله نعم الله عليج تعالي اگعدي يمي أكلج انتي شسمج اسمي فاطمة اللهم صل على محمد وال محمد عاشت الأسامي يافاطمة اگلج انتي من ترحين للزياره يا أمام ترتاحين بزيارتة ردت فاطمة بعفويه العباس عليه السلام سلام الله عليه زين تعرفين اني ليش صحت الج دون هاي البنات كله هزت راسهه.وگالت لا ماعرف شوفي فاطمة انتِ عندج نور من العباس عليه السلام شنو نور يعني شنو يعني تشوفين أشياء وتتوقعين أشياء ابو فاضل طالبج تحجين عن ل**نه هنا فاطمة خايفه وضاله تبجي شنو العباس عليه السلام طالبني امي شافته من صاحت اله عباله تريد تطلب منهه شي بس من شافت فاطمة بجت راحت عليه ها خيه شعدج ويه بنيتي لا خيه ماعندي شي الله يستر على بنيتج جا ليش تبجي سوت شي لا لا خيه والله ماعده شي بس تره فاطمة عده نور من العباس فدوه اسمه شنو نور يعني طريحه أي خيه وجاي اشوفه تصير ضاربه لا خيه لا ماعدنه هيج شي هيه بكيفج جاي اكلج بتج عده نور وان شاء الله لو خليتوهه تصير احسن وحده لا خيه لا ابوهه مايقبل التفتت على فاطمة جرت أيده وخذته وطلعت بالبيت سولفت لأبوي الي صار گال م***ع أي واحد يجيب طاري لهاي الشغله وانتِ فاطمة تنسين حجي هاي المطوعه نهائيا لو سمعتج حاجيه لو ذاكره هلشي ا**ر ظهرج فهمتي هنوبه عليه بتي تتطوع طبعا حاولنه ننسى بس السنوات الي مرت خلتنه نتأكد من حجي المريه لأن فاطمة كل فتره وگالت شي وفعلا هذا الشي يصير صرنه نسألهه بالسر من نمتحن نسألهه راح ننجح لو لا والي تگوله يصير بس بدون علم أبوي قبل چم يوم رجعت من بره شفته گاعده تنطي ا****ر ماي بس صافنه عليه ها فطوم شو اليوم يم ا****ر صافنه شني عداج هههههه باوعتلي وتحسرت عرفته شافت شي گتله ها فطوم اكو شي شفتي شي هزت راسه أي تقربت عليه احجي شنو شفتي تحسرت وگالت راح نطلع من بيتنه شنو نطلع ليش مجاي اشوف الحرب ادري الحرب صار اله أربع سنين مو توهه بس ما طلعنه لا مو راح تگرب علينه كلش ونطلع منا زين وين نروح باوعتلي وبعيونه ابتسامه گالت. نروح يم ابو فاضل العباس سلام الله عليه ههه وهاي كيفيتج مو ههه أي زين ا****ر شبي تگولين عليه خطيه مو راح يموت لا بربج صدك هزت راسه. أي زين واحنه خو ما يصير بينه شي لا لا بس نتعب لمن نوصل المهم نوصل بالسلامه ان شاء الله هاي هيه بس فطوم لاتحجين الواحد ابد لا لا أبد ابوي مايقبل أي عفيه خليه بيناتنه احسن أي احسن رجعت الواقع وآني اسمع ابوي يحجي وياي بويه سجاد طلع البطانيات صفطهن وشدهن زين وانتو كلمن يشيل شي وخلونه نتمشه نتمشه شيوصلنه يمعود نترت امي جا شنو رايج نبقه هنا واصوات المدافع لهنا توصل راح يطبون الأيرانيين علينه گومن بويه يلله ركضت صفطت البطانيات كل ثنين سويه فاطمة شالت ثنين على راسه وزهره هم امي شالت العلاگه على راسه والزبيل بأيده وراضي شال بطانيتين آني شلت الترمز وعلاگه بيهه ملابس أبوي شال جنطه غراض والفانوس مشه ابوي بلگدام وامي ورى وآني بلأخير صرنه مثل سرب الطيور نمشي والتعب والخوف مالي گلوبنه كل ساعه نوگف شويه نرتاح ونشرب مي ونرد نمشي سيارات تمر من يمنه تروح للبصره شايله عتاد وارزاق ماكو سياره. تطلع من البصره ذكرنه ابوي بلمشايه گال بويه اعتبرو نفسكم رايحين مشي لبوعبدالله مرت الساعات صار الظهر گعدنه ناكل النه لگمه شويه جان توگف يمنه سياره أيفا ( الأيفا سياره عسكريه مختصه بنقل الاسلحه والعتاد والارزاق الجيش ) كمزنه اني وراضي وأبوي وصلنه يمه طلع راسه السايق گال الله يساعدكم عمي ولد شاب السايق مبين عليه التعب والخوف جان راجع من البصره ويساعدك عمي رد ابوي عليه وين ماشين والله عمي منطقتنة انقصفت وطلعنه برواحتنه جا عمي وين توصلون مشي الله كريم وين ما نوصل نوصل اصعدو عمي خليني اوصلكم للخلفيات حسينه بفرحة ولا فرحة العيد طارت گلوبنه واحنه نصعد بالسياره رغم عاليا بس صعدت اني وصرت اصعد بخواتي وامي الزم أيده وأجره وراضي ينطيني الغراض ابوي صعد ويه السايق مشت السياره واحنه الفرحه ما سايعتنه عبالك صاعدين سوبر بذاك الوقت جانت احسن سياره هيه السوبر وبعده البرازيلي والمرسيدس ميركبه غير اصحاب الدوله مثل صدام ومزبان وغيره آمي تدعي للولد من كل گلبهه فاطمة وزهره نامن بحضن أمي وآني وراضي نباوع للشارع مشت السياره مسافة طويلة يمكن ساعتين طلعنه من الخلفيات وصلنه لحدود البصره وگف السايق اج علينه ابوي گال يلله بويه انزلو الله يستر على الولد عبرنه حتى من الخلفيات يلله بويه نزلت اني وصرت انزل بخواتي وراضي نزل الغراض سلمنه على الولد رجع هوه للخلفيات واحنه مشينه بطريقنه صار المغرب وصلنه القرية بيه كم عائله باقيه بويه أوگفوا هنا خلوني ادك هذا البيت بلجن بيه ناس نبات عدهم الليله فرحنه وصحنه كلنه يا الله راح ابويه واحنه نباوع عليه وندعي يارب اكو واحد بيه رجع وره شويه يركض نباوع الوجه إذا مبتسم او لا صاح يلله امشو البيت بيه ناس ورحبوا بينه يا الله صاحت امي شلنه غراضنه وركضنة للبيت طلعت النهيا الله صاحت امي شلنه غراضنه وركضنة للبيت طلعت النه مره جبيره رحبت بينه دخلنه البيت بيه غرفتين ومفتوح من الوسط تلگونه ثنين شباب سلمو علينه بس حسيت عيونهم راحت على خواتي ابد ما ارتاحيت الهم دخلنه للغرفة خلينه غراضنه ومددنه أمي گامت ويه المره بالمطبخ امي ماتعرف تگعد وأبوي هم طلع للحمام بقينه بس احنه الولد كل شويه يمرون على الباب يارايحين يا رادين رجع ابوي وآني طلعت للحمام من رجعت شفت الولد يباوعون من فتحة بالغرفة تخبلت گمت اگح حتى يسمعوني فعلا راحو بسرعه دخلت للغرفه فاطمة رادت تروح الحمام صحت بيهه هسه تجي امج وروحي وياهه ليش بويه اكو شي تقربت عليه وسولفت اله اني ما مرتاح الولد عيونهم على خواتي طلعت جرجف اني وراضي وعلگته على مكان الفتحه وباوعت خاف اكو بعد فتحه رجعت امي اخذت البنات الحمام صحت براضي گتله يروح وياهن بعد الصلاة جابو العشه بسيط بس جان كلش طيب ما أدري التعب خلاه طيب بعده جابت المريه صينيه جاي گعدت يمنه سولفت النه عايشه بس هيه ولد ابنه ابوهم توفه وامهم تزوجت وهيه ربتهم سولفت عن الحرب ومنطقتهم جان بيه قوات عسكريه ودوم يشنون عليهم غاره سأله ابوي ليش ما تطلعون منا كالت ما أكدر وين اروح لو اج يومنه وين ما جان نموت نامن البنات وراضي فتح حلگه من التعب آني وأبوي وأمي ابد ما نمنه بقينه سهرانين للصبح ثاني يوم ويه الفجر صلينه وطلعنه بس الحجيه سلمنه عليهه وطلعنه لزمنه الشارع العام ونمشي طلعت الشمس واحنه نمشي بدت سيارت تمر علينه بس هم مو هوايه ساعه نمشي ساعه الي نسمع صوت الطيارات نگعد وين ما جان لحد الظهر تعبنه حيل وامي بين عليه التعب اكثر وحده صارت غاره على معسكر قريب علينه والطيارت صارت فوك روسنه امي وخواتي بس يصيحن من صوت الطيارات الي نزلت صاح ابوي وياشر على بستان قريب على الشارع امشو عليه ركضنه للبستان وصوت الطيارات اذه اذاناتنه بقينه نركض ذبينه البطانيات والغراض وشردنه بروحنه بس آمي ما تركت العلاكه يمه ذبيهه لا يمه بيه اكل لو جعتو شلون بيكم ضلينه نركض لحد ما بعدنه عن المعسكر ارتاحينه شويه من صار الرمي بعيد عنه شفنه كوخ صغير من بعيد رحنه عليه بابه من تنك دكينه الباب شويه طلع رجال شايب منهو هذا خطار خطار صاح ابوي ياهلا بالخطار فتح الباب وهو يهلي بينه كل الهلا تفضلوا طبينه الكوخ رغم صغير ومبني من الگصب والتنك بس دافي شاعل چوله ام الفتل ومخلي عليه قوري جاي مفروش حصران ومداد گعدنه بلكاع واحنه خايفين ومتعجبين شلون گاعد هنا وحده طلع شويه ورجع بأيده صينيه أكيد جوعانين مو گمت اخذته منه ماعون بيه أللبه ( هيه الحليب الي يطلع من البقره باول يوم بعد ولادتهه ياخذونه يفورونه ويصير مثل الجبن ) واربع گرص خبز باوعنه للصينيه شگد بسيطه بس كلش جبيره بهيج وضع ابو سجاد... حجي وحدك هنا عايش أي والله وحيدتي وهلك وين شردو كلهم جا شلون يعوفونك وحدك وليش مارحت وياهم يعمي أنا مابيه ركض ولو رحت وياهم راح اعذبهم بيه كتلهم خلوني هنا والرب واحد والعمر واحد حسينه على فاطمة تفاجأنه بيه تقربت على الرجال شالت أيده باسته وخلته على گصته ابتسم الرجال وخله أيده على رأس فاطمة وباسه وگله الله يبارك بيج بنيتي ماعرف حركة فاطمة هاي حسيته عن علم تعرف شي عن الرجال شويه گالت يلله نمشي وگامت طلعت صحنه وراهه وج تعالي خلينه نرتاح ماكو شالت الغراض وطلعت صاح ابوي يلله وراهه تخبلت هاي ترخصنه من الرجال دلانه على طريق نمشي بيه حتى نوصل للشارع العام وطلعنه نركض وراهه تمشي بهمه ابتعدنه عن كوخ الرجال مسافه يمكن 700 1000 متر وجان توگع قاذفه على الكوخ وگفنه نباوع على البيت ونباوع على فاطمة الي تباوع على البيت وعيونه تجري بعد دقائق وعينه على الي صار محد حجه ولا كلمه واصلنه المشي يتبع....

Free reading for new users

Scan code to download app

App Store Google Play

Facebookexpand_more