الفصل الثالث

1270 Words

البارت 3 قلوب وشواطئ طائر بلا تغريد رؤى ألجبوري مساء الورد عليكم متابعيني مشينه بالطريق الي دلانه عليه الشيخ الله يرحمة والسكوت يعم المكان لحد ما وصلنه للشارع العام لزمنه الطريق وبقينه نمشي لحد المغرب نمشي والطريق موحش بس اصوات الچلاب والواويه تصيح اخواتي طبگن ويه امي وآني وأبوي وراضي صرنه حلقه عليهن اوقات صعبه صعبه باوعت شفت خشبه بالطريق شلتهه گلت تفيدني رفعت راسي للسما گلت يارب عليك بستر زينب استر علينه يارب عليك بستر فاطمة استر على خواتي وامي نزلت دمعتي وآني اباوع لخواتي تعبانات وعبيهن. متربه بعد نص ساعه گعدنه نرتاح جان تجي سياره لاند گروز عسكريه خففت يمنه وگفنه كل احنه نزل الجامه وباوع علينه ثنين حزبيه مبين عليهم بالدوله واصلين واحد منهم على چتافه 3نجمات اشر علينه تعالو تقربنه اني وأبوي شعدكم هنا گاعدين بهل ليل سيدي احنه من منطقة ال ونقصف بيتنه وشردن صار النه ثلث أيام نمشي باوع الصاحبه وأشر النه اصعدو نوصلكم ابويه التفت علينه مبتسم گال جيب خواتك آني خفت بس گلت احسن ما نبقه نمشي بهل برد فتحت السياره وصعدت خواتي بالوره وآني وأبوي وراضي گعدنه بالكرسي الي وره السايق السياره دافيه وجلده ناعم حيل ارتاحينه مشت السياره گال السايق حجي طلعتو قبل لا يدخلون الأيرانيين تفاجئنه شلون دخلو لا دخلو الايرانين حرامات والله وصفك بأيده لا تخاف نرجعه وين يرحون من عدنه ان شاء الله وين تردون ترحون گمز راضي گال الكربلاء التفت الگاعد بلسدر گال وشمعنه كربلاء جاوبه أبوي وآني گرصت راضي گله مو سيدي عدنه گرايبنه هناك نروح يمهم لمن نلگالنه مچان اها خوش اني رايح البغداد شفتكم وياكم نسوان گلت خطيه اخذكم وياي راح اوصلكم الكربلاء ألف رحملله على والد*ك والله من الصبح لسى نمشي مو گلت صارلكم 3ايام طالعين أي سيدي بس جانت عدنه دابه تكرم سيدي وعربانه بس اليوم ماتت الدابه ومشينه ههه دابه وعربانه شارد بدابه هههههه أي والله سيدي شنسوي هذا العدنه هز راسه وبعده يظحك ماعرف شگد مشينه اباوع لأمي وخواتي نامن من التعب بعد فتره اجته رسالة على لاسلكي مخلي يمه على الجكمجه سيدي العميد سيدي العميد فتحه گال نعم شهاب خيرك شكو سيدي لازم ترجع حالا للمقر بس لازم الصبح اني بغداد لا سيدي ارجع .... راد يحجي سد السماعه التفت على السايق گله لازم نرجع هز راسه السايق وگله حاظر سيدي التفت علينه گال آني راح اوصلكم للكراج مال الناصريه لأن راح ارجع ميخالف سيدي ألف شكر الك جاوبه أبوي اشر للسايق استعجل طارت السياره يمكن نص ساعه وصلنه الگراج الناصريه نزلنه فر السياره ورجع دخلنه للگراج متروس ناس كلمن عائلته وغراضه وگاعد منتظرين سياره دخلنه الگراج تقريبا الساعه 11بليل گعدنه جوه مصطبه على الگاع نباوع السيارات تجي وهيه تمشي تقبط ماكو سيارات وناس هوايه ضلينه واحد يباوع الثاني بس بين الناس احسن من نمشي وحدنه چانت الناس كله شارده من البصره والعماره لأن القصف عليهن المهم گعدنه امي وخواتي وكلمن لزم مكان وگف بيه يا سياره تجي نركض عليهه جان بوكتهه سيارات يسمونه دك النجف جبيره الساعه ب3الصبح واحنه واگفين بالگراج جسمنه ثلج اصابيعي بعد ما احس بيهن باوعت شفت سياره دخلت للگراج صاحت كربلاء الدنيه نگلبت عليهه شفت راضي ركض وصعد بيه باوعتله گعد بالأخير حجزه كله وأشرلي ركضت جبت امي وخواتي وأبوي واجينه للسياره صعدنه الغراض من الجامه ورحنه نصعد من گد الناس انريد نصعد ما نگدر لزمت ايد زهره وأبوي لزم ايد فاطمة صعدناهن بيناتنه إلى ان وصلنه للكشن الأخير ارواحتنه طلعت گعدنه وتنفسنه براحه وأخيرا راح نوصل الكربلاء مشت السياره كلمن نام بجهه وأخيرا حسينه بأمان باوعت وراي السياره تمشي مبتعده عن البصره وبيتنه وحياتنه مانعرف شلون راح نعيش بمدينه مانندل بيهه غير قبة الأماميين بعد أربع ساعات وصلنه الكربلاء نزلنه ورجلينه متشنجه من الگعده جان الجو هادئ ناس عايشه عادي ماكو قصف ماكو طيارات ناس تمشي بطولهه اخذنه سياره ورحنه للحسين عليه السلام أول ما وصلنه تشكرنه من ابا عبدالله لان طلعنه بالسلامه رغم التعب الي شفنا بس الحمد لله طلعنه بالسلامه بالصحن فرشنه فراش ومددنه ملابسنه وصخه مو مال ندخل للحضره راح ابوي للسوك جاب النه أربع نفرات كباب و**ون حار وقوري جاي ههه كلش فرحنه لأن الاكل الي اكلنا بلأيام الراحت لا يشبع ولا يغني عن جوع لأن بخوف فرشن البنات السفره رحنه غسلنه بلمغاسل بعده گعدنه اكلنه من كيفنه بعده راحن البنات وأمي للمغاسل غسلن وبدلن وتوضن ورجعن واحنه هم بدلنه وغسلنه بعده دخلنه الأمام يابه شمت ضريحه ردت بينه الروح قبل جان الأمام سويه دخلت النساء والزلم ماكو قاطع بيناتهم آني بأيدي فاطمة وأبويه بأيده زهره وأمي لازمه راضي دخلنه كل احنه سويه وگفنه باب الضريح سلمنه سلمنه وتشكرنه منه ودخلنه ملهوفين للزياره بعد ماصلينه رحنه لبو فاضل العباس عليه السلام فاطمة احسه طارت من الفرحة أول ما توجهنه للزياره دخلنه زرنه وتشكرنه وبقينه گاعدين بلحظره للعصر بعده رجعنه للحسين عليه السلام اخذنه ليوان من لواوين الحظره وگعدنه بيه بقينه أربع أيام بين الحسين و***باس عليهم السلام فلوس العدنه بس للأكل منعرف شراح نسوي بيوم الرابع صلينه الظهر وگعدنه نتغده الي اقتصر أكلنه على طماطه وخيار و**ون گاعدين نتغده جان نسمع واحد يسلم علينه السلام عليكم ورحمة الله وبركاته رفعنه راسنه وردينه عليهم ثنين معممين واگفين ودايرين ظهرهم علينه ويحجون ويانة ردينه عليهم وعليكم السلام ورحمة الله وبركاته اخوان اسفين لأن اجينه عليكم بهل وقت بس احنه انتبهنه عليكم صار الكم أربع أيام هنا أي والله مولاي احنه من البصره منطقتنه دخلو عليهه الأيرانيين وتهجرنه منهه لا حول ولا قوة الا بلله براحتكم اخوان الله يرفع الغمه عن هاي الأمه في أمان الله الله وياكم راحو واحنه رجعنه نكمل غدانه بعد ساعه هم رجعوا علينه سلمو علينه وگالو اخي السيد طالب يشوفك منو السيد سأله ابوي سيد..... مسؤل الحظره حاضر جاي وياك راح ابوي وبعد ساعه رجع فرحان تلگينا ها بويه خير شصار الحمد لله مو گتلكم ربي مايگطع حشه يگطع بعبده جاوبته أمي السيد التقه بيه شلون سيد دخلت لگيته گاعد وجهه يضوي نور ولحيته بيضه تشع خير سلمت عليه وگف سلم عليه وطلب مني اگعد سألني منين احنه وشلون وصلت لهنا سولفت اله الي صار كله خطيه تأثر بمصيبتنه وگال راح انطيكم بيت تگعدون بيه لحد ما نلگالكم مكان ثاني لأن هواي اكو نازحين من البصره والعماره الحمد لله ربي ألف حمد وشكر الك يارب لمينه غراضنه واج علينه الولد الي اخذ ابويه گال امشو وراي مشينه مسافه عن الأمام دخلنه بشارع العباس عليه السلام طبينه بفروع ودرابين وصلنه الدربونه يسمونهه شارع النعلجيه( تكرمون) هو دربونه بيه مجموع كل محلات الي تبيع أحذيه وشحاطات المهم وصلنه لبيوت قديمه طلع مفتاح فتح الباب وگال تفضلو هذا المفتاح وأني فد ساعه وأجيكم أي شي تحتاجونه كولو حتى اجيبه الكم تشكرنه منه وراح دخلنه للبيت جان نضيف ومرتب بيه حوش بنص البيت وغرف داير مداير البيت بلحوش مخلين كرويتات ام التاج جانت بوقتهه كل بيت عراقي موجوده بيه ذبينه غراضنه وگعدنه وأمي همت ويه البنات تنضف وتعزل بالبيت آني وأبوي وراضي مددنه نرتاح بعد ساعه اندك الباب طلعت شفت نفس الولد جايب علاليك شنو هاي خيي والله زحمناك لا لا تگول هيج هذا مو من عندي هذا من خير الأمام تفضلوا وأي شي تحتاجونه باجر الصبح اجي وگلي عليه ألف شكر من الأمام سلام الله عليه سلام الله عليه راح الولد وآني دخلت العلاليك صحت يمه يمه بنات تعالو شوفو ركض راضي يدور بلعلاليك كلشي موجود ابتسمت امي وگالت منو جابهم هذا الولد الجابنه يا وليش كلف نفسه يمه يگول مو من عنده من خير الأمام عليه السلام سلام الله عليه ذيج الليله بعد العشه اخذنه ابوي ورحنه تشكرنه من الأمامين ثاني يوم هم رجع الولد بس ما ردنه شي لان كلشي جايب الولد كلش محترم سألته عن اسمه گال اسمي احمد جان يحجي وهو مدنك رحت ويا الأمام طلع طالب بالحوزه ومو متزوج وبيتهم بكربلاء المهم گضينه أربع أيام مرتاحين يوميه اخذ البنات وأمي الصبح بعد ميكملون شغل يدخلون الأمام يزورون بعد صلاة الغدى نرجع آني صرت اطلع ويه احمد اساعدهم بتنضيف الأمام بيوم گعدنه الصبح على دك على باب البيت كلش قوي ركض ابوي وگال م***ع تطلعون فتح الباب وصاح ؟؟؟؟؟؟؟؟

Free reading for new users

Scan code to download app

App Store Google Play

Facebookexpand_more