البارت الرابع

1677 Words

البارت 4 قلوب وشواطئ طائر بلا تغريد رؤى ألجبوري مساء الورد والقداح فزينه على دگت الباب حيل طلعنه كلمن من غرفته نركض تلگانا ابوي أشر النه مانطلع طلع فتح الباب وآني لحگته وگفت ورى الباب اسمع ابوي يحجي وياهم السلام عليكم حجي وعليكم السلام هلا سيد احمد تفضل ويانه منو أنتو وين اروح وياكم تعال بلا حجي زايد يلله تحرك جرو ابوي صاح سيد احمد على كيفكم رجال جبير معليك سيد انت خليك بروحك لو تحب تجي بمكانه اجي لو جان مسوي شي اسكت سيد اني اروح وياهم نتر ابوي بلسيد أشرلي بأيده من ورى الباب ادخل جوه وسد الباب وطلع راح وياهم بقيت اباوع من فتحه بلباب صغيره ثنين زلم لابسين عسكري يجرون بأبوي جر شفتهم من ورى دخلت لگيت امي وخواتي ها يمه وين ابوك ومن. بلباب يمه اجو ثنين وياهم سيد علي اخذو ابوي وراحو وين راحو يمه ما گالو لا بس گلوله شويه وترجع ها يجوز السيد داز عليه بلكت حصله شغله يجوز الله كريم باوعت لفاطمه ابتسمت يمكن عرفت شي طبيت للغرفه ورى شويه صاحت امي سجاد تعال تريك طلعت گعدت وياهم وآني خايف لازم اطلع اروح للسيد بلكت يطلع ابوي كملت ريوك يمه اني رايح لسيد احمد ها أي بلكت تلگه ابوك هناك إن شاء الله صاحت فاطمه سجاد اخذني وياك الأمام باوعت لامي كالت اخذه وياك ومن ترجع جيبه يلله گومي البسي طفرت فاطمه بدلت وطلعت گدامي بلطريق گلت اله فاطمه تدرين ابوي وين راح هزت راسه لا زين تدرين يرجع لو لا باوعت عليه ابتسمت وگالت ان شاء الله يرجع فرحت لان تقريبا اتطمنت وصلنه الأمام دخلنه سويه زرت وهيه بقت گاعده وآني طلعت وصلت قريب على مكتب السيد لاگاني احمد السلام عليكم سيد وعليكم السلام ورحمة الله وبركاته سيد ما ابوي وين راح هههه هو اني جاي عليك أكلك ابوك يم السيد صدك بشرك الله بلخير يلله تعال شوفه رحت ويا دخلنه على غرفت السيد لگيت ابوي گاعد يسولف ويه السيد والسيد يهز راسه بقهر السلام عليكم وعليكم السلام ورحمة الله وبركاته شلونك سيد الحمد لله شلونك بويه وين خذوك الحمد لله زين ماكو شي بس شويه اساله عن بيتنه وشغلي وهيج شغلات هاي حكومه لازم تعرف كلشي يلله بويه امشينه نرجع للبيت وگف سلم على السيد وطلعنه مرينه على فاطمه الي ابتسمت من شافت ابوي خذناهه ويانه ونرجعنه للبيت أول ما دخلنه تلگتنه امي وراضي وزهره الله يساعدك ابو سجاد وين صرت الله يسلمج ماكو شي بس خذوني اخذو مني معلومات يا معلومات شني جا شلون تايهه هيه حكومه لو لعب چعاب لازم يعرفون عني كلشي أي چا مايصير يسألونك هنا لا مايصير وكافي حجي گومي صبيلي ريوك لسه ما ماكل شي يا راح عنك الجوع هسى گومي زهره وياي بقينه بذاك البيت خمس ايام بيوم السادس اج علينه سيد أحمد دگ الباب طلعت اله اني السلام عليكم سجاد وعليكم السلام ورحمة الله وبركاته اهلا سيد اگلك الوالد موجود أي موجود تفضل استريح لا والله ما أگدر السيد رايده حاضر هسه اصيحه طلع ابوي للسيد شويه ورجع گال السيد رايدني بويه اروح وياك أي تعال يلله طلعنه المكتب السيد سلمنه أشر النه السيد نگعد جاي يكتب شويه كمل شلونك ابو سجاد الحمد لله سيد بفضل الله وفضلكم بخير كله بفضل الله التفت عليه گال شلونك عمي سجاد ان شاء الله مرتاح الحمد لله سيد مرتاح تمام شوف ابو سجاد الحرب مامعروفه شوكت تخلص وهلتشوف بعينك يوميه جاي ينزحون ناس من البصره والعماره أي والله سيد هواي جاي اشوف من البصره ناس المهم آني حصلت الكم شغله واذا ماعجبتكم نلغيهه بس تره يبو سجاد الشغل مو عيب العيب من يگعد البشر بدون شغل موصحيح أي والله سيد صحيح كلامك ياريت نحصل شغل اصلا اني ماعرف أگعد خوش خيي اكو مدرسه مديره انسان خلوق وحباب محتاج حارس وعامله تنضيف ومن حجيت اله عنكم رحب بلفكره وگال ياريت وعده غرفتين فارغات راح ينطيهن الكم تگعدون بيهن وهم تشتغلون وراتبين وهم مكان تگعدون بيه وآني وياكم لو ما ارتاحيتوا اجيبكم لا سيد رحمله والد*ك ماقصرت والله سويت علينه فضل من لگيت النه مكان وشغل الفضل لله وهسه يروح وياكم سيد احمد لأن هيه فكرته ويندل المدرسه واتفقوا ويه المدير ألف شكر سيد والله وگفتك ويانه ما انساهه ابد الشكر لله ماسويت شي ومره ثانيه أگلك لو ماعجبتك الشغله لو المكان اتركه ان شاء الله يعجبني يلله سيد احمد بلا زحمه عليك دلينه على المدرسه سلمنه على السيد وطلعنه ويه سيد أحمد اخذلنه سياره ورحنه المنطقه البيهه المدرسه اسمهه الحسينيه منطقه جانت ريفيه قريبه على ولاية كربلاء كله اشجار ونخل منطقه ترد الروح نمشي وسيد احمد يسولف ويرغب بينه المدرسه صغيره مابيهه هواي طلاب وآني شفت المكان الي راح تعيشون بيه مكتر مو يم المدرسه ضهره على المدرسه عبالك يقنع بينه وصلنه للمدرسه جانت الساعه تقريبا 12 مدرسه صغيره كل صفوفه عشره رجال جبير گاعد باب المدير أول ما شاف السيد وگف رحب بينه ودخل المدير شويه طلع گال تفضلوا دخلنه تلگانه المدير بوجه البشوش رجال اربعيني گصير سمين گال يا اهلا وسهلا بلسيد وضيوفه اهلا بيك استاذ كريم شلونك الحمد لله زين اعرفك ابو سجاد وسجاد الي حجيتلك عنهم اهلا وسهلا بيكم تفضلوا استريحو صاح ابو جبار فد جايات رد الرجال صار اتدلل أي سيد شلونه السيد الوالد الحمد لله زين التفت علينه كل الهلا بخطارنه والله حال البصره كلش تعبان عمي الحمد لله من طلعتوا بلسلامه الحمد لله والله استاذ شبعنه ظيم لمن طلعنه من البصره أي صح قبل كم يوم التقيت بعائله هم نزحت من البصره خطيه بلطريق ميت عدهم ابنهم دايس على لغم ومفجور بيه لا حول الله أي والله خطيه شبعت قهر عليهم بس احنه الي نگدر عليه نسوي الهم ونعم منكم استاذ أي ابو سجاد اني محتاج موضفين ثنين مثل ما گلت للسيد اريد حارس للمدرسه تفتح الباب من الصبح وتبقى گاعد بلباب لحد ما نخلص دوام وبعده تقفل المدرسه وتبقى بيهه ومحتاج منضفه للصفوف تنضف المدرسه غرفة المدرسات الأداره وراح انطيكم كل واحد راتب منفصل وهم راح انطيكم غرفتين تگعدون بيهن شتگولون والله استاذ شگول ألف رحمه على والد*ك يعني موافق باوعلي مبتسم گال أي طبعا موافق كلش زين لعد من باجر تجيب غراضك وتگعدون هسه نشرب جاي ونروح اراويكم الغرف شفنه الغرف يصيرن بظهر المدرسه بس الشبابيك على المدرسه گال استاذ كريم هاي الغرف يرادلهن تنظيف شويه گال سيد احمد وراح اجيب الكم كم خشبه وكاروبة سعف نسوي الكم سياج حتى عائلتكم تأخذ راحتهه والله تعبناكم ويانه سيد لا ابو سجاد تعبكم راحه لا تگول هيج رجعنه للبيت بس آني ما مرتاح لهاي الشغله شنو امي تشتغل لو لاگين الي شغله احسن حجيت ويه ابوي ماقبل گال لا آني راح احجي ويه استاذ كريم بلكت نرجعكم تكملون مدرسه بلبيت تلگتنه أمي ولبنات شافن الفرحه بوجه أبوي وأني ضايج ها ابو سجاد شعنده السيد والله هلسيد دره مال الله ماعرف شلون اجازيه هو وابنه سيد احمد أي والله ناس خيرهم على الناس لگولنه شغل وسكن صدك وين لا تفرحين راح تشتغلين فراشه نترت سجااااد وشبيهه الفراشه اني لو اعرف بيه شغله مو شريفه ماخليتهه تشتغل لو انت تفتهم اكثر من عندي لا بويه بس ولبويه انت شني عود كبرت وبعد ما تتحاجه لا بويه والله آش ولا كلمه گوم روح الغرفتك بسرعه طلعت وآني فاير من القهر خليت ابوي يسولف الهم ثاني يوم گعدتني امي من الصبح يمه سجودي اگعد يمه ها يمه خير اگعد يمه استهدي بلرحمن وفوت بوس رأس ابوك مايصير يبقى زعلان عليك يمه والله ما گلت شي تره لا گلت المهم گوم استسمح من ابوك تره مو سهله عليه الشغله بس لو ما محتاج ابد ما خلاني اشتغل تتذكر گبل من جنه بيتنه لو يشتغل ليل نهار ما يخليني أشتغل حتى الحصران والزبيل الي اسفه هو الي يجيبلي السعف وياخذه يبيعه بس يمه هسى احنى بديره غريبه مانعرف شراح يصير ويانه لازم نجلب بكل فلس يدخل النه وتره الشغل مو عيب بلع** العيب لو مدينه أدينه للوادم صح لو لا صح يمه اني اعتذر منج وهسى راح اروح اعتذر من ابوي وابوس راسه عفيه بوليدي يلله خاطر تاخذنه نروح نضف الغرف وننگل بيه ميخالف يمه هسى طلعت لگيت ابوي گاعد بلهول سلمت عليه ودنگت بست راسه واعتذرت منه تريگنه ورحنه ابوي أمي وراضي رادت تأخذ البنات گتلهه لا اني وراضي وانتي نضفه شيرادله هو غرفتين رحنه اخذت سيد احمد وياي لأن ما اندله زين دلانه وراح جاب النه السعف والخشب وراح امي وراضي نضفوا البيت وأني وأبوي سوينه السياج للعصر رجعنه ثاني يوم رحنه من الصبح بعد كم شغله كملناهه وجان يجي المدير كريم الله يساعدكم اهلا وسهلا استاذ ردينه عليه أي عفيه والله خوش مسوين سياج والله ماعرف شلون اشكركم انت والساده لا ابو سجاد اني تره مامسوي عليك فضل انت تشتغل بتعبك وعبالك ان شاء الله اكون عد حسن ضنكم ان شاء الله طلع من جيبه عشر دنانير خلاهن بأيد ابوي هاي شنو استاذ عيب هلحجي اسمعني ابو سجاد البيت محتاج هواي شغلات بردات فراشات لازم تجيبهن خو ما تگعد بلگاع وبعدين عمي احسبهن من راتبك من يستعدل وضعك رجعهن الي الله يكثر من امثالك استاذ تدلل احنه العراقيين لازم نوگف البعض قابل نخلي الغريب يوگف النه لا طبعا احنه نوگف البعظ كلش زين يلله اني اترخص وبعد باجر يبدي دوامكم مو تنسه لا ابد اعتمد عليه تسلم يلله في أمان الله راح المدير وكملنه الشغل ورجعنه للبيت ثاني يوم اخذنه غراضنه ورحنه للمدرسه وصلنه نزلنه غراضنه چم بطانيه وحصير گال ابوي العصر يروح هو وامي للسوگ يشترون چم حاجه العشر دنانير وامي عده محبس گالت ابيعه ونشتريلنه چم حاجه گعدت فاطمه وزهره يرتبن بلغرف گال ابوي هاي الغرفه البنات وامهن وهاي أني والولد بويه شني هاي شلون تبتعد عن طيرتك هههه نجب لك عيب هلحجي ههه والله صدك مايصير تالي عمركم نفرقكم هاي الغرفه الك انت وامي وهاي أني واخوتي كافيه علينه نريد نسولف نلعب دومله انت ماتخلينه تريد تنام من وكت نتر راضي هههه هيج يعني جا خوش هاي هيه للعصر راح ابوي وأمي للسوك وآني وراضي نضفنه الساحه والبنات يكنسن ويانه حتى نسويهه مكان نگعد بيه جان نسمع واحد يصيح سجاد سجاد اشرت للبنات گتلهن ادخلن جوه طلعت ويه راضي لان سيد أحمد ويا سياره بيكب هل سيد كل الهلا بيك شلونك سجاد الحمد لله يستاهل الحمد أكلك هاي شوية غراض جبتهن تحتاجوهن بلبيت لا سيد ليش تزحم روحك أبوي وامي راحو يشترون ميخالف هذني عدنه ما نحتاجهن أنتو تحتاجوهن اكثر يلله تعال وياي نزلو الغراض رحنه يمه فتح الباب هاي ثلاجه صح صغيره بس تفيدكم احد ما تشترون غيرهه وهذا طباخ عينين طرح مشو حااكم بيه ويا قنينة غاز وصوبه وجم دوشك سفنج بقينه صافنين على كرم الساده بعدنه نزل بلغراض جان يجي أبوي يتبع

Free reading for new users

Scan code to download app

App Store Google Play

Facebookexpand_more