البارت السادس

1463 Words

تكمله قلوب وشواطئ طائر بلا تغريد رؤى ألجبوري مساء الورد والقداح آني اطلب ايد عقيلتك شنووو عقيلتي اني أي بلي يعني اختي ههه أي عقيلتك يعني اختك شوف سجاد لو جنت موموافق اتمنى تنسى الموظوع نهائيا لا لا موقصدي انت طبعا انسان كل واحد يتشرف بنسبه الله يسلمك خيي بس والله تفاجئت هههه أحم يعني هسه شنو ههه ان شاء الله خير اني عني كلش موافق بس لازم انطي خبر لأختي وأبوي موصح أكيد صح ولازم تكون موافقه لان هاي حياة مو لعبه طبعا لازم توافق بس سؤال جواب منو من خواتي رايد حتى مايصير خربطه ههههه گح وسحب شعره ليوره وگال احم مره سمعتك صحت اله فاطمه أها فاطمه تمام سيد ان شاء الله خير وگف وگعد گلي اگلك هسه شسوي اروح لو ابقى لو شنو هههه هاي شبيك سيد براحتك تريد تبقه اهلا بيك تريد تروح الله وياك والله ما أدري بس يمكن اروح احسن حتى تفاتح الأهل بلموظوع مو ههه أي ان شاء الله بس يجي أبوي احجي ويا زين لعد اني اترخص والف سلامه الك تسلم سيد جيتك على راسي يسلم راسك صحت الراضي طلع ويا للضهر رجع ابوي من الشغل تغدينه وأمي راحت. للغرفه والبنات يشتغلن فتحت الموظوع ويه ابوي أكلك بويه ها بويه گول اگلك عود اليوم سيد احمد اجه يمي أي گال راضي والله هلساده خيرهم غرگنه وفضله مايتنسى أي والله بس هو فاتحني بشغله شنو الشغله باوعت عليه مبتسم گتله السيد خطب فاطمه شنو خطب فاطمه أي والله وگلي رايد يخطبه من زمان بس ابوه گايله خاف نحرجهم ويوافقون خليهه من يرجعون البيتهم زين ليش هسه السيد حجه مو دنگت للگاع وآني محرج من الجواب احجي سجاد شنو گلت للسيد حتى تقدم لختك يحجي ومقهور سولفت اله كلشي ليش هيج سجاد السيد يجوز نحرج گدامك وحب يوصل الك فكره انو احنه ناس طيبين وماعدنه دغش بويه والله گتله كال لا والله اصلا اني من زمان ردت اتقدم بس لو ما حرج السيد من عدكم جان هسه متزوجين هز راسه بحرگه ماعرف بويه هيج خطبه وبهيج وقت ماعرف شلونهه يعني ماراح تقبل ماعرف خليني اتأكد من السيد وبعدين شوف بويه احنه نخلي على راحته مانحجي بلموظوع لو رجع حجه هو يعني راغب لو لا سكت احنه هم نسكت تمام الله كريم ربك يسوي الي بيه الخير مر كم يوم. على السالفه والسيد بعد ما اجانه ولا حجه بلموظوع مرعشرين يوم رحت فتحت الجبس عن أيدي ورجلي بعده انطوني عكازات امشي عليهه حتى ما اتعب رجلي ورى كم يوم رحنه الأمام نزور كل احنه گعدنه بلحضره بلواوين المغرب صلينه وبعده فرشنه السفره صبت أمي والبنات العشه جانت مسويه دولمه ومحشي بيتنجان بدينه نتعشى وجان يصيح راضي هذا سيد احمد وكام يصيح سيد احمد سيد احمد بعد نريد نلحك نسكته ماكو جان يمشي ويه اصدقائه أشر النه واج يمشي باتجاهنه أشرنه للبنات يتغطن وييتعدن شويه وصل يمنه السلام عليكم وعليكم السلام سيد ردينه عليه ها سجاد شلون صرت الحمد لله احسن صرت امشي على عكازات هههه لا ههه ان شاء الله كم يوم وبعد ماتحتاجهن ان شاء الله تفضل سيد تعشى ويانه ها لا موخاف بيه احراج لا عمي ماكو احراج أگعد يمنه جيبله مخده راضي لا لا عمي ماكو داعي اگعد وياكم آني تفاجئت أول مره يگول عمي دائمن يگول ابو سجاد حجي بس عمي أول مره باوعت على ابوي وابتسمت ابوي افتهم خزرني هههه صبت اله امي ماعون خليته گدامه كعد ياكل ويسولف بس شني محرج كلش كملنه اكل صبت أمي جاي شربنه بعده ترخص من يمنه بس گلي سجاد تگدر تتمشى وياي شويه عندي شغله وياك أي سيد تدلل شلت عكازتي ومشيت ويا رحنه گعدنه بلحضره گال سجاد اشو اشوفكم سكتو عن الشغله والله سيد انت بعد مارديت حجيت بيهه وأبوي گال خاف تراجع لا والله اصلا يوميه أريد اروح يمكم واستحي أكول خاف ماقابلين ويستحون لا والله سيد احنه عبالنه ترتجعت وتستحي هههه اني مستحي وانتو مستحين ههههه هسه المهم آني حجيت ويه والدي السيد وگال بس يردولك خبر خبرني تمام باجر نسال البنيه ونردلك خبر أي والله ألف شكر الك الشكر لله سيد أنتو نسبكم يشرف أكبر واحد الله يسلمك سجودي الورد رجعت يم اهلي وآني اضحك أشرلي ابوي شكو كتله ماكو شي شغله وابتسمت افتهم هوه بلبيت حجيت لابوي الي صار راح ابوي حجه ويه امي وامي فرحت حيل ثاني يوم خبرتني امي ان هيه حاجيه ويه فاطمه وموافقه للعصر رحت للولايه گلت لو شفت السيد اخبره فعلا لاگيته بين الحرمين سلمت عليه وبشرته جان طاير من الفرح گال الخميس جايينكم رجعت للبيت خبرت ابوي گال وين يجون عيب وين نگعدهم طبعا احنه بهاي الفتره گدرنه نتواصل ويه عمامنه بواسطة واحد منهم جاي يزور وشايفه ابوي ومدلي علينه وره فتره اجو علينه للبيت اني ماعندي عمام اخوان ابوي بس ولد عم ابوي ثنين وخوال عندي واحد ومتوفي بس عنده أربع ولد جانو عمامي وخوالي طالعين من البصره بعد القصف گاعدين بلنجف وهيج صرنه نروح عليهم من نروح للزياره وهمه هم يجون علينه المهم ثاني يوم العصر. جان يجن أربع نسوان من بيت الساده ام أحمد وعماته ثنين وخالته سلمن وگعدن وحسب كلام أمي حيل حبابات وماعدهن تكبر اجن شافن فاطمه وكلش عجبتهن وأكدن ليوم الخميس قرر ابوي يدز على عمامي ولد خالي وعزم الاستاذ كريم لأن انسان راقي سوينه جادر بلشارع وجبنه كراسي وطبلات بيوم الخميس اجو عمامي ولد خالي رغم جان ابن خالي رائد فاطمه بس من حجه ويا ابوي وكله على نسب الساده والي سوو النه ماحجه بعد للعصر اجو اربع سيارات كله سوبرات وبرازيلي ناس كله معممه وجوههم تشع نور وياهم سيارت نسوان دخلن للبيت خطب بينه السيد الجبير وبعده طلبوا البنيه وأبوي وافق فگال السيد مادام كلنه موجودين خلينه نعقد الهم حتى نسرع بلزواج فعلا دزينه خبر النسوان اتجهزو والضاهر نسوانهم عدهن خبر جايبات كلشي وياهن صار ال*قد ودخل السيد للغرفه سلم وهو مستحي حتى يمكن ماشاف شكله وهيه هم جانت ميته مستحه طلعوا الساده واحنه لمينه الجادر مر اسبوع واج سيد احمد كال نريد نعقد محكمه فعلا راح أبوي وعقدوا المهم مر شهر اتزوجوا جان يوم مفرح وحزين أول مره ادخل للبيت وفاطمه ما تستقبلني بأبتسمه جانت هادئه بس وجهه بشوش متصدگون لو گلت الكم طلعت للحديقه وبجيت من دخلت وشفت فراشهه ماكو المهم بعد زواج فاطمه بدت العطله بعده نجحت للسادس قبل ماكو عدنه محاضرات دروس خصوصيه أبد حتى مدارس اهليه ماكو الكل سواسيه بمدرسه حكوميه نجحت من السادس وراضي صار بصف الرابع اعدادي بيوم 8/8/1988 بليل سمعنه اطلاق نار وصعادات والتلفزيون ينقل خبر توقف اطلاق النار بين العراق وأيران جان يوم مفرح للشعب العراقي وايضا محزن لأهالي الشهداء ويوم كله أمل لاهل الاسارى والمفقودين ناس فرحانه وناس تبجي احنه جنه كلش فرحانين بقينه بلشارع للصبح ثاني يوم طلع ابوي للولايه يسمع اخبار بعده رجع گال يگولون توقفت الحرب نهائيا يعني نگدر نرجع لبيوتنه صاحت امي أي بس اصبرولنه جم يوم ونرجع بليل سيرو علينه فاطمه والسيد فاطمه حامل اله شهرين چانت مقهوره وتبجي والسيد يحاول يسكت بيهه لأن عرفت راح نرجع وهيه. تبقى هنا بس ابوي طمنهه وگله البصره مو بعيده سياره نوصل يمج لا تخافين والساده همه أهلج بعد مرت چم يوم على اعلان توقف الحرب اجو بيت عمي وگالو احنه راح نرجع ابوي فرح گال احنه هم نرجع بس خلي نخبر استاذ كرار حتى يلگه غيرنه يحرسون المدرسه ثاني يوم رحنه اني وابوي خبرنه المدير رغم فرح النه بس زعل لأن راح نروح عنهم ابو سجاد اليوم بليل اني جاي الكم للبيت اهلا وسهلا ومرحبا بيك تشرف استاذ كريم رجعنه للبيت خبرنه امي رتبت الغرفه ونضفته وجبت ببسي الساعه بثمانيه اندك الباب طلعت لن استاذ كريم ويا ولد أكبر من عندي السلام عليكم سجاد وعليكم السلام استاذ ابوك موجود أي نعم تفضلوا اهلا وسهلا بيكم دخلتهم للغرفه وتلگاهم ابوي يهلي بيهم بعد ما قدمنه الهم جاي گال استاذ كريم ابو سجاد اني من تزوجت الله ما قسملي طفل اختي انطتني ولد سجلته بأسمي وسام بس آني الي ربيته وهلسنه الحمد لله تخرج وراح يلتحق بلجيش سنه ونص وبعده راح نفتحله مختبر ويتوضف بلمستشفى ان شاء الله ان شاء الله ابن اختك مثل ابنك ماكو فرق استاذ أي والله ابني وسام المهم آني هسه أريد افرح بيه أريد ازوجه ويشهد الله ما لگيت احسن من بنتك لبني وسام تخطب بتي لبنك أي وليش متعجب أنتو ناس طيبين وطول أربع سنوات ما شفنه عليكم شي ابد بس هو شايفه نترت اني لا والله حتى اني ماشفته غير كم شفته وياكم ومتلتلفه بعبايته كلشي ماشفت منهه أنتو بكيفكم ما أريد اضغط عليكم والله استاذ كريم انت انسان خلوق وماكو منك ولو انطيتك بنتي انام وآني مرتاح رحملله والد*ك ابو سجاد بس البنيه عدهه عمام همه من اطيت بتي الجبيره للساده گوه خلصته منهم والله حقهم اني لو عندي هيج بت عمي فلا انطيهه هههه الله يعزك أبو وسام خليني اروح اخذ رئيهم لو قبلو هاي هيه ولو لا ماجذب عليك مابيدي شي واحنه هم مارايدين من عدك شي اخذ راي البنيه وعمامه وردلي خبر وصدك الي انطيتوني ولا لا تبقه انت اخوي واعتز بيك تسلم والله انت ابو الطيب والكرم باجر ان شاء الله اروح عليهم وعگب باجر اردلك الخبر على بركة الله طلع أبو وسام وحنه واحد يباوع للثاني بس ماحجينه بلشغله لمن نشوف عمامي ثاني يوم راح ابوي للنجف للعصر رجع جان يگول يتبع

Free reading for new users

Scan code to download app

App Store Google Play

Facebookexpand_more