البارت السابع

1521 Words

البارت 7 قلوب وشواطئ طائر بلا تغريد رؤى ألجبوري مساء العسل رجع ابويه تعبان تلگيته اباوع لوجهه اشوفه فرحان ضايج لأن اعرفه حيل راغب لوسام تلگته زهره انطته گلاص مي شربه وباس راسهه گعد بلغرفه وصاح تعالو كلكم أريد احجي وياكم تقربنه عليه گال البارحه استاذ كريم خطب زهره لابنه وسام هو طبعا مو ابنه ابن اخته بس مسجل باسمه وهو الي مربيه المهم خطب زهره اله باوعت الزهره دنگت وعيونه نترسن دمع هههه كمل ابوي واليوم رحت لعمامكم بلنجف حتى اشوف رايهم جمعتهم كلهم گالو احنه راجعين للبصره وماندري شوكت راح نگدر نعدل حياتنه الي عرفنا البصره ممروده مرد ويرادلهه سنين حتى ترجع مثل قبل يعني شنو ردهم گالو لو جانت قسمه زينه انطوهه لا تخلوهه تنتضرنه الحمد لله نترت أمي بفرح ها جنج راغبه الهم اكثر مني ههه والله يابو سجاد الناس خوش ناس وحنه رادين كلشي ماعدنه وزواج زهره هنا هم خوش قسمه وهم يم اخته وهم لو ردينه لهنا لا سامح الله عدنه نسابه نگدر نعتمد عليهم أي والله صدك حجيج باوعت الزهره گتلهه يعني زهره راح تبقى هنانه متروح ويانه للبصره شو هاي طگته بجيه وگامت تركظ ولك ليش سجاد من طاح حظك ليس تقهر البنيه هههه هسه اني مجذب شگتلهه غير راح تبقى هنا راحت أمي وراهه وآني طلعت من البيت ثاني يوم أبوي رجع خبر استاذ كريم بموافقتنه بعد جم يوم جابو المشيه ابويه خبرهم بعد شهر نرجع للبصره بعد زواج زهره باسبوع رجعنه للبصره بيومهه باتت عدنه زهره وزوجهه وفاطمه وزوجهه بقينه للصبح نسولف تذكرنه ليلة الي طلعنه بيهه من البصره تذكرنه شلون طلعنه بلعربانه شلون مشينه شلون ركضنه نسولف ونضحك ماعرف شنو المضحك بلموظوع يمكن لأن طلعنه بلسلامه يمكن لأن نحاول ننسه ماعرف بس بيومهه هواي ضحكنه ثاني يوم راد أبوي يرجع غراض السيد بس ماقبل گال هاي هديه تفيدكم لأن مثل ما سمعت البصره متدمره خلوهه غراضكم تفيدكم ثاني يوم اجرنه سياره.حمل خلينه بيهه الغراض امي وأبوي صعدو بلص*ر وأني وراضي صعدنه بلوره هواي ناس مارجعت للبصره صار عدهه حياة تزوجوا وخلفوا واشترو بيوت بكربلاء هاي الناس الي بكربلاء حاليا اغلبيتهه نزحوا من حرب أيران وبعد مارجعوا بس احنه ماگدرنه نبقى رغم زوجنه اخواتنه وصارت عدنه حياة بس تبقى البصره موطنه الأصلي الي ما نگدر نبتعد عنه ركبنه بلسياره وزهره وفاطمه واگفات يبجن ورانه بصراحه حزت بگلبي اعوفهن واروح بس هاي سنة الحياة كل وحده تتبع زوجهه تمشي السياره وأني واگف اباوع على الطريق أيام مرت عليه هنا كل يوم يمر عليه اتمنى ارجع بيه للبصره طلعنه الساعه 10 الصبح وصلنه الساعه 5العصر متصدگون لو گلت الكم من وصلنه حتى الهوى تغير شتميت ريحه صارلي أربع سنوات مضيعه وگفت على السياره واباوع البصره رغم صار اله بل3اشهر من خلصت الحرب بس بعده خراب 8سنوات حرب وخراب مو بيوم وليله تتعمر وصلنه البيتنه جان عباره عن خرابه مابيهه حياة مثقب كل حيطانه طايح بيه صاروخ مفلش نصه صرنه نمشي بيه واحنه مامصدگين كميت الدمار الي بيتنه صح هو ماجان ضخم بس بيت مرتب ونضيف ودافي حديقته جانت مليانه ورود فاطمه تحب الورد جانت كل فتره تشتري شتلات وتزرعه هسه الحديقه تراب والورد كله محترك گعدت امي بنص البيت وهيه تبجي گا**ه راضي ويبجي وياهه ابوي انتجه على حايط المطبخ المهدوم خله شماغه على عيونه وبجه بحرگه .اني ماتحملت طلعت من البيت ضلمه شافني ابن عمي سلم عليه وگال جيب اهلك وتعال فرغت الكم غرفه بيتنه احنه من رجعنه هم لگينه بيوتنه هيج بس گدرنه نبنيهه رجعت للبيت اخذت اهلي ورحنه على بيت عمي تعشينه اتفقو باجر نروح نضف البيت ونطلع بنه نعدل البيت طبينه للغرفه نمنه لان كلش تعبانين گعدت الساعه بل اربعه الصبح لبست قميصي وفوكاه قمصله سوده اشتاقيت للشط شتاقيت لوقت شروق الشمس الي ماتلگون مثله بأي مكان غير بلبصره رحت لشط العرب عوده للحاضر طلعت من الفجر اتنفس الهوى واذبه أريد اشبع من هوى البصره مامصدك عيوني رغم كميت الدمار الي صاير بس تبقى البصره بعيون اهلهه احلى عروس امشي واباوع الاماكن هنا جنه ناكل لفات هنا كعدنه اني وايسر وجليل هنا تعاركت ويه عبود دمار هنا. انكتلت من أبويه لان شردت من المدرسة اوووووف ذكريات وصلت للشط الدنيه توه خيط ضوء بيهه گعدت على طابوگه واباوع النهايت الشط منضر خلاب المي صار لونه احمر على ابيض من خيوط الضوء هوى بارد منعش نزعت القمصله رغم بارده بس حبيت هوى الشط يدخل بكل جسمي بقيت اراقب الشمس وهيه تطلع من الشط حسيت بولاده جديده الي انولدت من هاي الساعه لازم اوگف ويه ابوي نعمر بيتنه نبنيه رجعت البيتنه من شفته الصبح جان الخراب أكبر لأن البارحه جانت ضلمه ما ميزنه الخراب بس هسه لا كلش متدمر نزعت القمصله وصرفنت القميص وبديت انضف بلانقاض من حرگت گلبي ماحسيت بثگل الطابوك الي شلته بعد ساعه سمعت صوت وراي يصيح ولك خايب سجاد هذا التفتت شفت ثنين ولد ابتسمت كبرانين يولي عقيل وحسن اصدقاء طفولتي هههه أي هو ولك سجاد صاح عقيل هاي انت ص تقربت عليهم حضنتهم ثنينهم نباوع البعض ونرد نتحاضن حسن.... يول صاير حلو وجسم وكذا هههه جا شعبالك غير نكبر عقيل.... سجودي الك وحشه يول شوكت رجعتوا حسن... قبل شهر عقيل... قبل اسبوع رجعنه شفتو شصاير بيتنه بقيت اتلفت واحجي ولك هو بس بيتكم البصره كله متدمره الحمد لله على سلامتكم سجودي تسلم عقيل حسن ... شجاي تسوي من حرگت گلبي أريد انضف البيت هههه وحدك جا شسوي صفگت ايد بأيد عقيل احنه عشر ايام نشتغل بيتنه يالله نضفنا وصبغنا وعود بيتنه ما متدمر هلگد جا أنتو شگد يرادلكم واحنه سبوع صارلنه نشتغل بيه وبعدنه ماكملنه جا شنسوي نضف الي نگدر عليه يلله واحنه وياك نساعدك ههه والله ونعم منكم يول شو صايرين مؤدبين هههه خرب غيرتك سجاد كبرت وبعدك نفس اسلوبك هههههه يحجي حسن ويضحك نزعو دشاديشهم وگاموا يشيلون وياي طابوك مفلش ويشمرون عن البيت شويه اج ابوي وعمامي ولدهم شافونه ابتسموا ها يولد الگوه شادين حزامكم جنكم حسن... الله يسلمك عمي شلونك اني حسن عرف*ني أي أي عرفتك شلونك عمي اخبارك الأهل شلونهن الحمد لله زينين هو ما تأذيتو بلقصف والله عمي داوود استشهد لا اله الا الله البقاء بحياتك عمي تسلم ان شاء الله امر عليكم للبيت اهلا وسهلا بيك عمي وآني عمي عقيل عرف*ني لا أي أي عرفتك شلونك عمي اخبارك الأهل شلونهم الحمد لله كلنه زينين الحمد لله ها بويه سجاد شجاي تسوي والله بويه ما گدرت اشوف هاذا التخريب وما اصلحه گلت اطلع ال**ر حتى نگدر نشتغل بلبيت نعدله أي والله عفيه عليك لا تخاف عمي من باجر راح نطلع بنه يشوف البيت حتى نشتغل بيه ان شاء الله بأسبوع نكمله الكم وتگعدون بيه سجاد .....رحمه على والد*ك أي والله ما نگدر نبقه أكثر من اسبوع لا لتخاف مانطول هذا بنه سريع بيتنه كمله بأسبوع يشتغل بسرعه لأن عنده لزمات هواي بس خاف مو فارغ سأله ابوي لا مو أني حجزت الكم قبل اسبوعين من خابرتكم وگلتولي سبوع ونجي طولتوا سبوعين والله تشكر عمي خوش سوايه يلله سجاد امشنه نتريك حتى نروح للبنه نشوفه شوكت يطلع رجعنه للبيت تريگنه ورحنه على البنه جبنا ويانه شاف البيت وكتب النه ورقه بلمواد الي لازم نجيبهه وراح اخذنه الورقه اني وستار ابن عمي رحنه اشتريته المواد من السكله وطيناهم نص المبلغ لمن يوصلن للبيت ونطيناهم العنوان وردينه للبيت ابوي جان ضامله گشه زينه من شغله واستاذ كريم صرف الهم راتبهم ومكافئه جمعهن ويه الفلوس العنده جنت متواعد ويه الولد نروح نتمشه نزلني ستار يم الشط وراح اسبوع مر علينه ما نرتاح شغل بلبيت بلنهار والعصر نضف البيت اني او ولد عمي ولد خوالي ماطلعنه عماله كلهم اصدقائي ولد خوالي ولد عمامي جنت ارجع للبيت ميت الساعه بلسته العصر اسبح واتعشه وأذب روحي ميت بعد الأسبوع كمل البيت غسلنا وطلعنه كل زبل البنيان بره بعده جاب ابوي عربانه حمل كل الزبل وذبه بعيد عن المنطقه صار هذا شغلنه كل واحد يرجع البيته نلتم عليه لحد ما نكمل بيته البصره شويه انتعشت من رجعوا اهلهه مرت الأيام وآني نجحت من السادس ابوي ما گدر يحصل شغل وشغله القديم بعد ميگدرله جسمه ضعف الحياة صعبه صارت علينه قررت أدور شغل رحت للشط الي يحمل همومنه گعدت وآني شايل هم الي بلبيت يادوب يعيشنه هل كم يوم شلون منين ندبر الأكل والشرب صح احنه قليلين بس هم يرادلنه مصرف گاعد وبالي سارح ويه روجات الشط هلا سجودي شلونك التفتت حسن هلا حسون الحمد لله گعد يمي گال خيرك سجاد شو مالك خلك اوف حسن كلش ضايج ليش يخوي احجيلي ولك حسن أريد اشتغل تشتغل جا ودراستك بلكت تنجح السنه وتدخل كليه هه يمعود ياكليه اني وجه كليه ليش لا سجاد هذا حلمك من انت صغير ليش من يوصل للتحقيق تعوفه حسن اله أگلك اكل ما عدنه بلبيت ابوي ما يگدر يشتغل من اجينه لليوم يدور على شغل وماكو ماتگلي الكليه ماتريد فلوس مصرف كتب كروه ها گلي بلله منين اجيبهن واحنه ماعدنه الي يصرف علينه أه ه ه ه. سجاد حقك والله اني هم حالتي حاله هم عايشين على تقاعد ابوي وحنه شفت يمعود خليه السنه عود لو نجحت السنه الجايه اقدم ان شاء الله سكتنه شويه جان يصيح حسن اخ ولك شلون فاتتني شكو حسن شتذكرت سجاد تتذكر باقر كاروبه ياهوه باقر الجان عنده كاروبه يبيع بيهه غاز أي هو شبيه اتذكره جانت دشداشته مشگگه ويفتر على البيوت شوف هذا يادشداشه مشگكه ياعزه غير طگ طگه للستار جذب شلون ماعرف بس هوه من خلصت الحرب رجع بس شني راكب سياره سوبر وطاك القاط ولا واحد عرفه هههه لابربك صدك والله العظيم شبيك وهسه جاي ييني فندق مقابيل شط العرب بس شني خمس نجوم هوه يعرفنه جنه زينين ويا خلي نروحله بلكت يشغلنه ويا والله شگلك انروح ونشوف ماخسارنين شي خوش امشنه هسه نلگا يم الفندق يلله امشنه يتبع

Free reading for new users

Scan code to download app

App Store Google Play

Facebookexpand_more