البارت الثامن

1796 Words

البارت 8 قلوب وشواطئ طائر بلا تغريد رؤى ألجبوري مساء الفل يلله نروح نشوف بلكت رحنه على الفندق وگفنه يمه شلون فندق كلش حلو كامل تقريبا سألنه على باقر دلونه بمكانه مكتب بصف الفندق رحنه عليه الباب مفتوح وهو گاعد وگدامه اوراق السلام عليكم باوعلنه گال وعليكم السلام شلونك باقر اني حسن عريضه تتذكرني ابوي كاتب العرايض بلمحكمه وهذا سجاد عربانه ابن ابو سجاد الحمال صفن علينه شويه گال أي أي تذكرتكم بس والله كبرانين شلونكم اخباركم تعالو اگعدو تعالو الحمد لله عايشين شتشربون حسن....لا شكرا ماكو داعي لا شلون ماكو داعي لازم تشربون شي لو لا شنو رئيكم نروح نتعشه سويه اليوم سجاد...لا والله خويه تسلم غير وكت براحتكم اهلا وسهلا بيكم شوكت رجعتوا للبصره حسن... احنه رجعنه قبل جم اسبوع وسجاد صارله يمكن شهر والله تبهذلنه من طلعنه من بيوتنه گتله بگلبي وين بهذلتك شو صاير احوال حسن... باقر احنه جاييك بشغله أي گولو تأمرون ما يأمر عليك ضالم شوف باقر احنه نريد نشتغل وتدري ماكو البصره مابيهه شغل حاليا فگلنه بلكت تشغلنه وياك بلفندق صفن شويه وگال والله اجيتو بوكتكم الفندق تقريبا كمل مابيه شغل هواي ونفتحه بس آني اريدكم تصيرون عيوني هنا يعني توگفون على العمال على الشغل وبعد ما نكمل ونفتحه راح تشتغلون غير شغله والله تدلل احنه عيونك وأد*ك واذانك هم تسلمون وراح اطيكم كل يوم دينارين لحد ما نفتح وبعدها نزودكم شتگولون واحد باوع للثاني والفرحه ما سايعتنه گناله موافقين طلعنه من المكتبه بعد ما گال باجر بلسته أنتو يمي حتى اعلمكم على الشغل رجعنه بلطريق نغني ونرگص طبعا مشينه مشي لان ماعدنه فلوس نركب هههن حسبناهه يعني يوميه دينارين بلشهر ستين دينار كلش زين ألف الحمد والشكر الك يارب وصلت للبيت لگيت امي تصب عشه ها يمه وين جنت ههه والله يمه جنت ادور شغل شغل ليش ودراستك يمه دراستي ماطايره بس خليني اشتغل هلسنه والسنه الجايه عود اكمل بس حرامات تروح سنه من عمرك حبيبه جاي تشوفين بعينج ابوي گاعد والمصرف هواي شلون نعيش فهميني الله كريم اني راح اشتغل نتر ابوي التفتت شفته واگف وعيونه مدمعات تقربت منه گتله يابه ادري بيك ماتقصر بس وينه الشغل ها أول شي انت تعبت سنين وانت تشتغل واحنه عايشين بس هسه انت كبرت وتعبت بعد مابيك شغل واذا على الدراسه ان شاء الله السنه الجايه اكمل بلكت شغلي زين لو انت تحصلك شغله مريحه واكمل وشنو الشغل الراح تشتغله راح اشتغل ويه باقر ابو الكاربوه تتذكره الجان يبيع غاز أي تبيع غاز ويا هههه لا بويه ياغاز صاير احوال وبنه فندق جبير ويريدني اني وحسن نشتغل ويا نساعده بلأداره باقر ابو الغاز ابو الدشداشه المزگه صار عنده فندق يووو فندق وسياره سوبر وقاط ورباط ههههه ومنين جابهن شو ابوه حافي كلشي ماعنده وهو هم جان عايش على الغاز يبيعه وياكل هو وهله والله بويه ماعرف بعد منين جابه هاي هيه وربه الله كريم ربي يوفقك بس توعدني السنه الجايه تقدم ان شاء الله ذيج الليله عيني ماشافت النوم افكر بلدينارين هههه ثاني يوم گعدت ويه الاذان صليت وتريگت اخذت من امي دينار جانت ضامته للغاز گتله من ارجع انطيجيا وطلعت مريت على حسن اخذته ورحنه للمطعم تلاگينه ويه باقر صبحنه وعرفنه على العمال وفهمنه شغلنه نوگف على روسهم ونجيب الهم اكل ونبلغه باي شي يصير مر اليوم واحنه واگفين على حيلنه للعصر حل الشفت الأول اج باقر سلمهم فلوس وانطانا احنه هم گال شتگولون لو تشتغلون ويه الشفت الثاني وهم الكم دينارين يعني شوكت يبدي الشفت الليلي سأله حسن باوع الساعته وگال بعد ساعتين باوعت الحسن گتله شتكول ضحك گال يلله يخوي هنه جم يوم ويخلص الشغل خلي نلم النه جم فلس أي والله صح وآني وياك نتعاون كل واحد ينامله ساعتين خوش يلله نگله رحنه الباقر كلناله موافقين بس نروح للبيت نخبرهم ونرجع رجعنه للبيت ساعه وبعده رحنه للشغل بليل من الساعه 12نمت ساعتين بعده گعدني حسن ونام هو ساعتين وهكذا للصبح الصبح يخلص الشفت الساعه بلاربعه نام لحد الساعه بلسته يجي الشفت الصباحي ونبلش ويا مر اسبوع على شغلنه شفتين العصر نرجع للبيت. نرتاح ونسبح ونرجع للشفت الليلي جان باقر هواي مرتاح من شغلنه يگول شلتو عني حمل هواي لأن هوه ماعنده واحد يثق بيه الى ان بيوم كمل شغل الكهربائيات وبدينه بشغل الارضيات جنه متفقين على كاشي موزائك بوكته جان اسمه كاشي اليمامه كلش طاك من استلمنه الكاشي حسيته مو هو نفسه لأن اني الي رحت اتفقت عليه وشفت العينه حجيت ويه حسن گتله تره مو هوه نفس الكاشي حجينه ويه السايق گال اني معليه حملو السياره وانطوني العنوان للعصر جابو السمنت گلبته النوعيه مو شي ولك حسن هذا المقاول جاي يغش لأن السمنت مو نوعيه زينه وخاف يكفع هذا جا شنسوي غير هو باقر متفق ويه المقاول ماحبيت اسكت رحت للمقاول حجيت ويا اني وحسن گتله ابو حسين تره هذا مو الكاشي الي اتفقنه عليه ها ليش مو زين لا بس مو هوه نفسه اني وحسن شفنا هذاك نوعيته صافيه وتلمع لا مو هذا بعده ما مجلي لا يخوي هذا كله تصدع مو هوه اگلك وحتى السمنت هم نوعيته رديئه مو الي وصينه عليهه صفن شويه باوع منا ومنا جان يجرنه اني وحسن ودخلنه الغرفته وسد الباب اني وحسن صار واحد يباوع للثاني خيرك ابو حسين اكو شي طلع شدة فلوس كله عشرات ابو الشايب وخلاهه علميز وگال هاي الكم شنو النه شنو المناسبه هاي كله الكم وبعد هم انطيكم مثله هه ادري ليش تنطينه هلگد فلوس حتى تسكتون باوعت الحسن متعجب گاله حسن نسكت عن شنو متحجون بلكاشي والسمنت يعني أنتو متعمدين تجيبون هيج نوعيه متبين الله وكيلكم نفس الشي بس هذا شويه ارخص بس هذا غش نترت بيه يمعود ياغش اصلا نفس النوعيه ونفس الجوده بس هذا ارخص بقيت ساكت يعني هيج يسوون حتى يقلصون من الميزانيه ميهمهم بعد كم شهر يگفع الكاشي ويجون يرممونه ها شگلتوا هزيت راسي گتله الله كريم عود بعدين اردلك خبر بس موافق لو لا ميخالف موافقين باوعلي حسن متعجب ماخليته يحجي سحبت حسن وطلعنه من الغرفه ولك شني هاي الناس معقوله الغش لهنا وصل ههههه ولك مصيبه ذوله طرگاعه هسه شراح نسوي باوعت الحسن گتله انت تندل بيت باقر أي اندله خوش امشينه اله خلي نسولفله كلشي خوش يلله فعلا رحنه عليه البيته بس شنو بيته يخبل دگينه الباب طلع النه ولد صغير ها حبيبي شلونك باقر موجود ابوي انت ابن باقر أي ابنه ربي يحفظك روح صيحه النه گله حسن وسجاد يردونك دخل شويه الولد ورد طلع گال ابوي يگول خلي يدخلون للبراني شويه واجه سلم علينه وگعد استاذ باقر احنه اليوم شفنه شغله وگلنه لازم نسولفلك عليه خير سجاد احجي سولفتله كلشي انتجه على الكرسي وگال متأكد مو نفس الكاشي ولا السمنت أي والله اصلا اني ذاك الكاشي گلبته بأيدي وتحسست نعومته هذا الكاشي يشبهه بس مو نفس النعومه وبيه صدعات والسمنت نوعيه رديئه درجه ثانيه يعني كم شهر ويگفع كله زين وانتو واجهتوا المقاول أي واجهنا نتر حسن وشگال دنگت انطانه فلوس حتى نسكت زين ليش ما اخذتو الفلوس وسكتوا أنتو محتاجين كل فلس مو سجاد حيل استفزتي بحجيه وبطريقته من حجاهه يبتسم استاذ باقر مو احنه الي نمد ادينه عن الحرام وبعدين انت خيرك علينه بعد ليش نغشك انتجه على رجليه وصفك بأديه وابتسم گال زين روحوا وآني احله وياهم تمام احنه راح نرجع للشغل لا اخذو اليوم عطله باجر الصبح تعالوا استغربنه هدوءه سلمنه وطلعنه ثاني يوم الصبح رحنه للشغل جاي ينزلون بجياسة السمنت نوعيه درجه اولى ونفس الكاشي الي اختاريته باوعت الحسن وضحك ها ولك شفت همزين انتبهنه صاح النه باقر رحنه السلام عليكم استاذ وعليكم السلام جان شكله كلش ضايج مبين متعارك گال اكعدوا باوع علينه ابتسم گال شفتو الكاشي والسمنت أي شفناهه نفس الي ردتو أي نفسه خوش حسن سجاد من اليوم أنتو المسؤلين عن الفندق كله حتى فلوس العمال أنتو الي تصرفونه وراح يزيد راتبكم كل واحد 3دنانير بليوم زين هههه الحمد لله شكرا استاذ باقر المقاول طردته أنتو هسه توگفون ويه المهندسين وتحضرون كل الي يردونه زين زين يلله روحوا على شغلكم وها أريد همه اسبوعين ونريد نفتح الفندق ان شاء الله مابقالنه شي اليوم راح نبدي بلكاشي فد خمس ايام نكمل بعده نضف ونفرش ان شاء الله. يلله خوتي على شغلكم طلعنه فرحانين وگفنه على رأس الشغل ويه اامهندسين شيل وحط للعصر راحوا الشفت النهاري واج الشفت الليلي وهم اشتغلنه ساعتين بساعتين لحد الساعه بلاربعه قفلنه ونمنه للسته اجوا العمال وهكذا لحد ما كملنه الكاشي بخمس ايام بعده طلعنه عمال نضفنه الفندق من فوك ليجوه بعد كم يوم وصل الأثاث جان موصي عليه من الكويت شنو اثاث فاخر كراسي رئاسيه الغرف اسره من أروع الماركات بدينه نرتب ونشيل ونحط فوك روس العمال واگفين لحد ماكملنه يومين مارحنه البيتنه بعد يومين عن الافتتاح جنه نحضر الحفله صارت ويه احتفالات رأس السنة الميلاديه وباقر دعه بيهه ناس كبار بلدوله وحتى من الكويت هم دعه ناس وكله على راسي اني وحسن بيوم الافتتاح جابو الفرقه الشرقيه جانت بوكتهه فرقه مشهوره بلبصره البصره بدت ترجع عافيتهه شويه شويه ناس طابه ناس طالعه انثولنه بيوم الافتتاح كله بلاش الناس اجت من كل صوب من البصره من بغداد من الكويت حتى من البحرين طلبوا من عدنه نلبس زي واحد ونوگف على رأس الحفله المهم بيومه جنت مشغول بلتحضيرات والطلبات جان اشوف حسن اج عليه مبتسم ها ولك حسون شبيك شو شاك حلگك ههههه أشرلي بعيونه شوف البنيه الوراي باوعت عليه بنيه من لبسه مبينه لو كويتيه لو بحرينيه لابسه عبايه خليجيه وشال عليه مطلعه گذله بس مبينه طاگه كلش شبيه ولك ولك صارله ساعه بس تباوعلي وكل شويه تطلب من عندي شي هههه وهذا شيعني يذكي يعني معجبه بيه غير ههه لا يعني تريد تشرب وانت خادم هنا تخدمهه لا سجاد لا تحجي هيج ولك لا تباوع لفوك لا تن**ر رگبتك هاي شبيك هبطت معنوياتي ههه تريدني اجذب عليك قابل لا بس موهيج تنزلني للحظيظ اريد مصلحتك يلله بلا لغوه زايده امشي كمل شغل كملنه الحفله وانتبهة على البنيه فعلا عينه من حسن وين ميروح وين ميجي ثاني يوم اجتمع بينه باقر اني وحسن ويانه المدير والمساعدين بعد كلام هواي گاله انطانه كل واحد شغله اني وحسن گال أنتو عليكم استقبال الزوار والحرص على تقديم كل مساعده الهم شنو يطلبون تقدمونه بدون تذمر او تباطئ ولازم نعيش بلفندق لان عملنه ميتحمل نطلع بعيد لأن على دقيقه يحتاجونه وطبعا الراتب زاد الحمد لله اهلي حالتهم تحسنت بعد ما اشتغلت بلفندق فعلا خصص النه غرف خارج الفندق اني وحسن غرفه وبعد ويانه ثنين هم غرفه رحت للبيت حجيت لأهلي على شغلي رغم ضوجتهم لأن راح ابعد عنهم بس طمنتهم راح اجيهم كل يومين اشوفهم جمعت ملابسي ورحت للفندق راح اوصفلكم شكلي آني طويل وجسمي بلشهرين الي اشتغلتهن كلش قوه لأن شغلي كله شيل وحط وتعب اسمر سمار اهل البصره دائمن البس قميص افتح دگم الثلاثه الاولى واصرفن الردان وأذب القميص على البنطرون عيوني كبار سود عندي لحيه وشارب خفاف وين ما امشي عيون البنات لاحگتني بيوم واگف يم الشط وياي كم نزيل اجنبي يردون ينزلون للشط حضرت العباره واكل وشرب طبعا الهم اني لا ما أشرب مو مستحرم بس ما احب ريحتهه صعدتهم وعلى اساس اروح وياهم جان يوگف باص مال الفندق يجيب زوار من الكويت نزلن بنات مبين طالبات صارت عيني بعين وحده عرفته هاي نفسهه الي اجت بلحفله ابتسمت لان تذكرت حسن بعدين اجت وياهه بنيه سبحان الي خالقه عيونه مكحله اقسم كحل رباني جنت لابس نضارات نزعتهن واريد. اشبع منه ماكو وعيت على صوت الزاير يصييح عليه هيي. يوووو He y.

Free reading for new users

Scan code to download app

App Store Google Play

Facebookexpand_more