"Uhm..." bahagyang umungol si Helena nang unti-unti na siyang pagbalikan ng kanyang malay-tao. "Ang sakit ng ulo ko," daing pa niya. Nang kapain niya ang bahagi ng kanyang ulo na masakit ay napangiwi siya nang makapa niya na may sugat siya at dumudugo pa.
Dahan-dahan siyang bumangon sa pagkakahiga at iginala ang kanyang paningin sa lugar na kinaroroonan niya. Napakunot-noo siya nang makitang nasa gubat siya. Saka lamang biglang nagbalik sa kanyang mga alaala ang mga nangyari. Nagpagulong-gulong pala sila ni Clauros pababa.
Si Clauros! hiyaw niya sa kanyang isip nang maalala ang kasamang taong-lobo. Muli niyang iginala ang kanyang paningin hanggang sa humantong sa lalaking nakadapa sa damuhan. Agad niyang nilapitan ito kahit na medyo nahihilo siya.
"Clauros? Clauros, gumising ka!" mal
