Kahit namumugto ang mga mata ko dulot ng buong magdamag na pag iyak ay pumasok pa rin ako ng opisina. Oo at brokenhearted ako pero iniisip ko 'yong trabaho at ang sweldo ko. Ngayong may binubuhay ako ay kailangan kong kumayod. Pumunta ako dito sa Maynila para magtrabaho. Para may maipadala akong pera sa mga kapatid ko at sa anak kong si Seth. Wala dapat sa plano ko ang magmahal pero sumugal pa rin ako. Kaya ito at hinaharap ko 'yong consequence ng mga pinanggagagawa ko.
"Lumina, hindi ba papasok si Boss Dwayne ngayon? Mag a-alas diyes na ah?" tanong sa akin ni Joseph.
Nag angat ako ng tingin sa kan'ya at nilingon ang iba pang mga kasama namin. Halos lahat pala sila ay nakatingin sa akin at naghihintay sa sagot ko.
"Napagod yata kagabi sa party ng kaibigan niya kaya... hindi ko sigurado
