Ivelle Ruiz's Point Of View
Maaga akong nagising, puno ng sigla, dahil gusto kong ipaghanda ng masarap na almusal ang mag-ama ko. Isang simpleng paraan para iparamdam sa kanila ang pagmamahal ko—lalo na ngayong unti-unti nang nagbabago ang takbo ng buhay namin.
Lumipat na kami ng bahay, isang hakbang na sa una ay hindi ko gustong gawin, lalo na’t iniisip ko pa rin ang kalagayan ni Daddy. Pero dahil mapilit siya at gusto niyang maranasan namin ang mamuhay sa iisang bubong bilang isang pamilya, napilitan akong sumunod. Hindi ko inakala na magiging maayos pala ito. Sa paglipas ng mga araw, nakita ko ang pagsisikap niya—ang tunay niyang effort para makuha ulit ang loob ko at mas mapalapit pa sa anak namin.
At least ngayon, mas maayos na si Daddy. May sarili pa rin siyang private nurse, at
