Ivelle Ruiz's Point Of View
Nararamdaman ko pa rin ang bigat ng maghapong trabaho habang nakaupo sa swivel chair ko. Halos hindi pa lumilipas ang pagod ko matapos ang sunod-sunod na operasyon sa ospital, lalo na ang pinaka-kritikal—ang pag-opera sa isang congressman, na hindi ko inaasahang asawa pala ni Tita. Simula noon, tila hindi na ako nabakante sa dami ng pasyenteng kailangang asikasuhin.
Napatingin ako sa pinto nang bigla itong bumukas. Pumasok si Nurse Cha, at sa ekspresyon ng mukha niya, mukhang may dala siyang balita. Tinaasan ko lang siya ng kilay bilang senyales na wala akong balak magsalita. Alam na niya ang ibig sabihin nun.
"May naghahanap po sa inyo, Doc," sabi niya, may bahagyang pag-aalinlangan sa boses.
Bahagya akong napaayos ng upo. Agad akong nakaramdam ng kakaiban
