Ivelle Ruiz's Point Of View
Naroon pa rin ako, abala sa pag-check ng mga record ng mga pasyente, nang biglang bumukas ang pinto ng opisina ko. Hindi ko na pinansin iyon dahil alam kong si Nurse Cha lang iyon, gaya ng dati.
“Doc, may naghahanap po sa inyo,” aniya.
Hindi ko na inabala pang itaas ang tingin ko mula sa mga papel. Masyado akong nakatutok sa pagbabasa para alamin pa kung sino iyon. Narinig ko namang sumara ang pinto, kaya inisip kong lumabas na si Nurse Cha para ipaalam sa bisita ko na abala ako.
Pero ang sunod na narinig kong boses ang nagpatigil sa akin.
“Sobrang busy mo naman. Hindi mo man lang inalam kung sino ang bisita mo?”
Napako ang kamay ko sa papel na dapat ay ililipat ko. Biglang nanigas ang katawan ko. Hindi ako maaaring magkamali—ang boses na iyon ay parang m
