Pagbukas ng pintuan ay napako sa kanyang kinatatayuan si Lovely ng tumambad sa kanyang paningin ang isang lalaking nakatayo sa tapat ng kanilang pintuan. Prente itong nakasandal sa malaking haligi ng kanilang bahay habang diretsong nakatitig sa kanya ang brown nitong mga mata. Lumamlam ang ekspresyon ng mukha ni Lovely, dahil sa maraming taon na lumipas ay ngayon lang ulit nila nasilayan ang mukha ng isa’t-isa.
“A-Asher...” alanganing tawag ni Lovely sa kanyang asawa ngunit nakapaskil ang magandang ngiti sa mga labi nito. Matinding saya ang bumabalot sa puso niya ng mga oras na ‘to dahil dininig na ng Diyos ang kanyang mga dalangin. Ang una niyang napansin sa mukha ng kanyang asawa ay ang malaking pagbabago nito. Wala na ang dating mga mata nito na puno ng poôt, maaliwalas na ang bukās n
