Isang araw lang ang inilagi ni Samantha sa ospital. Dahil okey na rin naman daw ang pakiramdam niya, hinayaan na siya ng doktor sa kanyang nais. Neresetahan na lang siya nito ng mga vitamins at gatas na babagay sakanya. Matapos ang ilan pang laboratory at ultrasound para masigurado na maayos ang kalagayan ng sanggol sa kanyang sinapupunan ay pinayagan na rin siyang lumabas ng doktor.
Walang balak si Samantha na ipaalam ang kalagayan niya kahit kanino. Kaya ng pauwi na sila ng bahay ni Leah, hindi na rin sila nagpasundo. Sinabi rin nilang gawa lang ng pagod at puyat ang naramdaman ni Samantha iyon. Dahil na rin sa ilang araw na hindi magandang tulog at palaging inaabala ni Samantha ang sarili sa mga gawaing bahay.
Nauunawaan naman ni Mrs. Monreal ang nangyari at hindi na muling nagtanong.
