Mula noong makita namin ang tatay ni Stephanie ay naging tahimik na lang siya at hindi na lumabas ng kwarto. Ilang ulit ko siyang kinatok at sinubukang kausapin pero hindi naman siya nagsasalita. Sa tuwing pumapasok ako sa loob para kumuha ng mga damit ko ay nakahiga lang siya sa kama habang nakatalukbong ng kumot. Gusto ko man siyang aluin, pero hindi ko naman alam kung paano. Tsaka, hanggang ngayon ay wala naman siyang malinaw na sinasabi sa akin bakit ayaw niyang umuwe sa kanila.
Nalaman ko rin na isang mayamang negosyante pala ang tatay niya. Pangalawa sa pinaka mayaman sa Asia kung tutuusin. Grabe. Kaya pala ganoon ka nakakatakot ang tatay niya kahit tumingin pa lang. Pero bakit kaya ayaw umuwe ni Stephanie gano'ng parang prinsesa na pala siya.
"Ano ba ang nangyayari riyan kay Ste
