Kinabukasan ay dahan-dahan na inabot ni Nayume ang maliit na perang naipon niya sa Tito nila bilang paunang bayad sa kanilang utang.
"Buti naman at naisipan niyong bayaran ako," nanunudyo pa nitong saad nang tanggapin na nito ang pera na nasa loob ng isang puting sobre.
"Kailan ba ang kasunod nito?"
Nagkatinginan ang mag-ama sa tanong nito saka naglakas-loob si Nayume na magsalita para sa kanyang ipapakiusap sana sa tiyuhin.
"Tito, p-pwede bang makiusap k-kami sa inyo?"
May inis sa mga matang napatingin sa kanya ang kanyang tiyuhin.
"Ano na naman 'yan?"
"P-pwede bang dagdagan niyo ang palugit niyo sa amin? H-hindi kasi n-namin kaya ang dalawang buwang palugit na ibinigay niyo sa amin."
Napatingin nang maigi ang kanilang kausap sa kanila na para bang sinusuri sila nang mabuti.
Nasa
