البارت ٢

1675 Words

(بالقلب أوجاع تستنفذ ارواحنا ولكن دائما يوجد بصيص امل يقول لنا اصبر ) ☆☆☆☆☆☆☆☆☆☆☆ همس دلفت للغرفة بأبتسامة رقيقة سماح... انتى اى حكايتك ياهمس همس بتعجب ... قصدك اى ! سماح... قصدى انتى طلعتى بجد بنت عز ، اى إللى خلاكى تيجي هنا همس بحزن وهى تجلس... حكاية طويلة ياسماح أميرة اقتربت منها ورتبت على ظهرها بحنان... احكي ياهمس يمكن ترتاحى همس... القصة بسيطة ياميرا انا بنت رجل أعمال كبير فى البلد ومش عندى غير أخ واحد وكانت حياتنا جميلة جدا زى ما بيقولوا أسرة مثالية ام حنونة وزوج يعشق زوجته وأولاده كان الكل بيحسدنا على سعادتنا لحد ما ماما تعبت وماتت انا كان عندى عشر سنين وهيثم كان لسة فى أولى جامعة ١٨ سنة كلنا اتأثرنا اوى بموتها وخصوصا هيثم عشان كان متعلق بماما اوى وهى الوحيدة اللى بتقدر تسيطر على طبعه الع**د والحاد كانت الوحيدة اللى بتقدر تفهمه من نظرة عينه ومن هنا بدأ هيثم يقسى اكتر ويتحول لشخص شرس الكل يخاف منه ويعمله الف حساب و اللى خلى الدنيا تبقى أصعب جواز بابا من صديقة ماما المقربة دى كانت القاضية لهيثم و خيانة بالنسبة ليا فى حق أمى سماح... بس عادى يعنى انه يتجوز همس بانفعال... بس مش العادى انها تتعمد تمحى اى أثر يخص ماما وتغير كل حاجة مش عادى انها تحاول تنهى كل الذكريات الخاصة بأمى انا مجروحة اوى منها ومن بابا اللى سمح بكل ده أميرة... بس ياهمس هى ممكن تكون عايزة تبدأ معاكم من جديد وتحاول... همس قاطعت أميرة وقالت... اوعك تكملى يا اميرة محدش ممكن يأخذ مكان ماما وبعدين إللى انتى بتحاولى تدافعى عنها إنسانة أنانية مش بتحب غير نفسها اهم حاجة عندها تخرج مع الشلة وتصيف كل سنة فى مكان مختلف وتسيطر على بابا لم تستطع همس تمالك نفسها فأخذت تبكى بحرقة وهى تقول... هى السبب فى بعد هيثم عنا كانت على طول تشتكى منه وبابا يعنف هيثم وطرده من البيت قبل كده حتى انا كانت بتملى بابا منى انا بكره صوتها وشكلها وكل حاجة تخصها انا بسببها هنا اتنازلت عن كل حاجة فى سبيل ابعد عنها بس أميرة بحنية ... ياحبيبتى شكلك مقهور وم**ور من جواكى وبتدارى حزنك بضحكك المزيف سماح... اهدى ياهمس صعبتى عليا معلشي ياخيتى قبر يلم العفش همس بعدم فهم ....يعنى اى ياسماح سماح.... يعنى ربنا يأخذها يااختى أميرة...ولا يهمك ياهمس إحنا اخواتك وهنفضل جنبك سماح... اه طبعا ، بس استنى هنا اما انتم ناس غنية ماتكلمى اخوكى يشوف لنا شغلانة همس... بس هيثم مسافر سماح... جت الحزينة تفرح همس... استنى انا عارفة مين هيساعدنى أميرة...بجد ياهمس همس بابتسامة... طبعا بكرة انا هحلها أميرة بشك... وأخوكى ؟! همس... مش عايزاكى تشغلي بالك انا هحلها ☆☆☆☆☆☆☆☆☆☆ فى شركة هيثم الزيات همس ...صباح الخير يا اسماء اسماء بابتسامة بسيطة ... اهلا ازيك ياانسة همس همس ... مش قلت لك مفيش داعى لأنسة انتى زى أختى اسماء ... والله مش عارفة اقولك ايه اللى يشوفك ما يشوف اخو حضرتك ماشاء الله ع** بعض انتى ملاك وهو.. ولا بلاش أكمل نجمه خفيف وممكن يسمع من على بعد آلاف الكيلو مترات همس بضحكة أنثوية ....لسه زى ما انتى يا اسماء بس والله انتى فاهمة هيثم غلط هيثم طيب بس هو جد حبتين بس وع**د شوية سماح لأميرة بصوت منخفض خلف همس ...شكلها شغلانة وعره اوى يالا نهرب أميرة فى محاولة لإقناع نفسها قبل غيرها ... ربنا يستر بس احنا مالنا بطبعه اهم حاجة الشغل اسماء ... والله انتى اللى طيبة، المهم هيثم بيه مسافر همس ... اه انا عارفة بس انا عايزة أدهم ادهم من الخلف ...انا اهوه ياجميل معلشي اتأخرت كان عندى شغل مهم مع ياسين همس بتوتر ... ياسين! اه وهو عامل اى ادهم ... بخير الحمدلله محتاج على حظك سكرتيرة هو كمان سماح لأدهم ... عن إذنك كده معلشي تعالى ياهمس همس ...فى اى ياسماح سماح ... بقولك اى انا مش عايزة اشتغل مع اخوكى المرعب ده والنبى خلينى اشتغل مع إللى الأخ ده بيقول عليه همس بتردد ... طيب ياسماح همس ... معلشي يا ادهم انا نسيت اعرفك دى آنسة أميرة ودى آنسة سماح اصحابي فى الكلية وكمان فى السكن ادهم بابتسامةبسيطة ... تشرفنا اكتفت أميرة وسماح بهز رأسهم ادهم وهو يتوجه لأسماء ... مشكلتك اتحلت يا اسماء وهمس اللى حلتها اسماء ... بجد ازاى ؟! همس ... آنسة أميرة هتشتغل مكانك اسماء بفرحة ...بجد يعنى اروح اتجوز اخيرا أميرة بابتسامة رقيقة ... الف مب**ك ، بس انا هتعبك معايا يومين بس تفهمينى الشغل اسماء ... الله يبارك فيكى ياقمر عقبالك ، واكيد هفهمك كل حاجة همس بخبث ... طيب انا مضطرة اروح لياسين عشان سماح يالا بينا ياموحه ادهم ... استنى اوصلك طيب همس وهى تجذب سماح لترسل .. مش مشكلة هيثم بعتلى عربيتى قبل ما يسافر شكرا يا ادهم سلام ادهم بضيق ... ماشي على راحتك سلام اسماء .... تمام كده يااستاذ ادهم انا هفهم كل حاجة للآنسة أميرة أدهم بهدوء.... مفيش داعى تتوتر ى من حاجة يا أميرة وانا موجود لو فى مشكلة أميرة بخجل.... شكرا اوى لذوق حضرتك ☆☆☆☆☆☆☆☆ فى فيلا عماد الزيات لوجينا... اسمعى ياجمالات انا مش عايزة كلمة تعدى من غير ماتحفظيها اظن المبلغ اللى بتأخذيه كل شهر كفاية اوى جمالات ...ياسيتى المشكلة فى دادة نعمه مش بتخلى حد يقرب من سي هيثم خالص بتحاوط عليه ولا كأنه أمه وبحس انها مش بلعاني لوجينا ... انا عارفة بس لازم تحاولى ، كل الفلوس اللى بتوصلك دى مش على الفاضي انا لازم أعرف كل كبيرة وصغيرة بتحصل بلاش تزعلينى منك ياجمالات انا زعلى وحش اوى جمالات بخوف ...حاضر ياست هانم لوجينا بمكر.... شاطرة كده انا عايزة حاضر بس ☆☆☆☆☆☆☆ فى شركة ياسين نصار دلفت همس إلى مكتب فاخر من ذوقه ود*كوراته تدل على شخصية صاحبه همس بدلع ... اهلا بالأستاذ ياسين اللى مش بيضحك ابدا ياسين بلامبالاة ... ازيك ياهمس لسة طفلة زى ما انتى همس بضيق .... انا مش طفلة على فكرة ياسين ببرود وهو يقلب فى الأوراق .. اوك مش طفلة آنسة كبيرة حلو كده همس بغيظ ... مش مهم عندى انتى شايفنى ازاى على فكرة انا هنا بس عشان اساعدك ياسين بسخرية وهو يترك الأوراق... تساعدينى ازاى بقى؟! همس ... انت مش كنت محتاج سكرتيرة انا عندى السكرتيرة ياسين ...وفين بقى السكرتيرة طفلة كبيرة شبهك همس بضيق... انت بتحاول تضايقني ليه ؟ ياسين.... ابدا انا بهزر همس... عموما انا فعلا عندى سكرتيرة لحظة وهتبقى قصادك همس خرجت من المكتب لحظة ثم دلفت مع سماح همس ... السكرتيرة يا استاذ ياسين ياسين باحترام ... اهلا ياانسة.... سماح بانبهار من طالته ... سماح حضرتك ابتسم ياسين لثانية ثم قال ... وانتى اشتغلتى قبل كده ياانسة سماح همس ... هى اول مرة تشتغل بس هى ذكية وهتفهم على طول ياسين ... عموما عشان خاطرك ياهمس هجربها شهرين همس بفرحة من نداء اسمها منه ... شكرا يا ياسين ياسين ... دلوقتى ياانسة سماح رغدا هتفهمك شغلك واهم حاجة الالتزام بالمواعيد سماح... اكيد يا فندم بس ياسين... بس اى سماح... حضرتك انا طالبة و.... ياسين... اه فهمت ، رتبى مع رغدا المواعيد خلال فترة الدراسة سماح بسعادة... شكرا اوى ياسين... العفو كفاية انك من طرف همس همس.... تسلم يا ياسين سماح... وانا ان شاءالله اكون عند حسن ظن حضرتك ياسين... ان شاءالله تشرفنا يا آنسة سماح همس بهيام ... طيب انا همشي يا ياسين عشان عندى محاضرة ياسين ... اوك ياهمس see you ☆☆☆☆☆☆☆ بعد مرور أسبوع فى شركة هيثم الزيات هيثم وهو يدلف إلى المكتب مع ادهم ... مش وقته يا ادهم نتكلم بعدين أميرة بتوتر ... صباح الخير يا فندم هيثم باستغراب ...انتى مين ؟! ادهم ... ماهو ده الموضوع اللى عايزة اكلمك فيه هيثم بحده ... موضوع اى ؟وفين أسماء اميرة باستعمال ... انا حضرتك بديلة آنسة اسماء هيثم بنظرة مميتة ... انتى مين سمح لك انك تتكلمى اميرة بجرأة ... لما الموضوع يخصنى اكيد مش هستنى إذن عشان ادخل ادهم بسرعة لتهدئة الموقف...اهدى بس يا هيثم الموضوع ان همس طلبت منى اشوف شغل لصاحبتها وانا عارف ان اسماء كانت عايزة اجازة فاانا فكرت انها فرصة والكل يبقى مبسوط هيثم بتوعد ... فكرت يا ادهم تمام حسابك بعدين ثم أقترب من مكتب أميرة وقال ... وانتى حظك ان ليكى علاقة بهمس بس مش كل مرة الحظ هيخدمك أميرة بتحدى ...وانا هشتغل بكفائتى مش بخاطر حد هيثم بمكر ... حلو اوى الكلام ده تعالى ورايا بكل الملفات المتأخرة وكل التفاصيل اللى حصلت فى الاسبوع اللى كنت غايب فى أميرة بتصنع اللامبالاة ...حاضر يا فندم دلف هيثم للداخل وتركها بحالة يرثى لها ادهم بحزن ... معلشي يا اميرة هيثم طبعه صعب شوية أميرة فى محاولة لسترداد قوتها ... مش مهم طبعه عندى اهم حاجة الشغل وانا واثقة من نفسى ومحدش يقدر يهز ثقتى فى نفسي ادهم بإعجاب.... برافو عليكى يا اميرة ، ربنا يوفقك وزى ما قلت لك اول يوم انا موجود لو فى اى حاجة أميرةبابتسامةبسيطة.... شكرا يا استاذ ادهم، عن إذنك ☆☆☆☆☆☆☆☆ فى أحد المطاعم كان هناك طاولة يجلس عليها عاش*ين يتبادلا أطراف الحديث بحب يزن بحب ... انا مش عايزك تقلقى ياحبيبتى وصدقيني انا مش عايز غيرك وميهمنيش الجهاز والكلام الفاضي ده أهم حاجة دلوقتى نطمن على عمى وصحته رحمة ... ربنا يخليك ليا يايزن بس الكلام ده مش هينفع مع الناس والعادات والتقاليد ، حتى بابا كرمته تخليه مستحيل يوافق على الكلام ده يزن .... وانتى عارفة ان انا محدش يفرق معايا ، الناس مش هتعيش معايا انتى اللى هتكون سكن ليا وكلمتك اللى هتهون عليا التعب رحمة برجاء ... ارجوك يايزن انا مش عايزة احس انى قليلة قصاد نفسي مش هستحمل وبعدين انا هشتغل فى صيدلية محترمة يزن ... انتى نسيتى انك آخر سنة فى الكلية ولازم تتجدعنى عشان تحققي حلمك بانك تبقى معيده ازاى دراسة وشغل رحمة .. لأ مش ناسية وانا هعرف ارتب نفسي ، بس افهمنى ياحبيبي بابا حاليا تعبان وانا مش عايزة اتقل عليه ونفسي أساعده ولو حاجة بسيطة ثم سكتت برهه وقالت بصوت مهزوز... انا مش عايزة ابويا يحس بالعجز انا عايزة ابويا يفتخر بتربيته و اساعده من غير ما اجرحه افهمنى يا يزن الناس اللى زى ابويا اهم حاجة عندهم كرامتهم انا مش عايزاك تزعل منى بس انا دى رغبتى ولازم تفهمنى وتشجعنى يزن باستسلام ... ماشي يارحمة بس بشرط هتعرفينى على صاحب الصيدلية وهتكلمينى وانتى رايحة و راجعة وكل التفاصيل يا رحمة رحمة بفرحة ... بس كده تمام يا فندم يزن... انا بحبك اوى يا رحمة وبخاف عليكى عشان كده عايزك على طول مرتاحة بقلق حاجة تبعدنى عنك رحمة بحب ....انا عارفة يا حبيبي وان شاءالله نفضل مع بعض طول العمر يتبع..... مع فصل جديد ☆▪︎▪︎▪︎☆☆☆☆▪︎▪︎▪︎☆☆☆☆▪︎▪︎▪︎☆ علياء عادل أبوالعزم

Free reading for new users

Scan code to download app

App Store Google Play

Facebookexpand_more