العاصي (الجزء الثاني)

الفصل الخامس

بعد كده روحت علشان اقابل خالد بتاع الاثار

خالد : ايه يا دياب بقالك فتره مختفى من ساعة حكاية الولد اللى لقيته تايه

انا : انا جايلك بخصوص الولد التايه ده

خالد : ايه فى

حكيت لخالد كل حاجه حصلت لما روحت القسم المره التانيه

خالد : غريب اللى انت بتحكيه ده

انا : علشان كده جيت اشوفك يمكن تعرف تلاقى حل فى الموضوع ده

خالد : الولد ده شكل وراه مصيبه .... والظاهر كده ان اللى عملوا فى الولد ده كده يبقوا حاجه كبيره و من مصلحتهم ان الولد ده يختفى

انا : نفس الاستنتاج اللى انا استنتجته

خالد : علشان كده رجوع الواد لاهله فيها خطر على حياته

انا : طب والحل دلوقتى ايه

خالد : الحل الوحيد ان الواد يفضل عندك

انا : هو ده اللى انا قررته .... علشان كده اخدته و روحت الشقه الجديده وجبتله داده تقعد معاه

خالد : كويس انك عملت كده

انا: دلوقتى المدارس قربت وهو المفروض على حسب كلامه يدخل ابتدائى السنه دى وانا مش معايا ورق اقدمله بيه

خالد : الموضوع ده سهل جدا .... ادينى يومين واخلصلك موضوع الورق ده وهخلصلك كمان موضوع المدرسه كمان

انا : يبقى جميل مش هنساهولك

خالد : ياعم ولا جميل ولا حاجه ..... انت بنى ادم جدع وتستحق الخدمه ... بس الورق اللى هعمله لازم اكتب فيه اسم الاب والجد واحنا منعرفش اسم الجد

انا : هو اسمه سولى ممكن نخليه سليم اهو الاسمين قريبين من بعض

خالد : طب بالنسبه للاب والجد

انا : هنسميه ... سليم عبدالرحمن العاصى

خالد : هتسميه على اسم ابوك

انا : ايوه

خالد : طب واسم الام

انا : ابتسام مطاوع غنام

خالد : تمام كده .... يومين وكل حاجه هتكون خلصانه

انا : تمام يا عم خالد .... وبالنسبه للمدرسه شوف احسن مدرسه هنا فى المقطم ومايهمكش الفلوس

خالد : وانت حمل المصاريف دى

انا : انا مسؤل عن الولد لحد ما ارجعه لاهله وهصرف عليه ومش هبخل عليه ابدا ... الواد باين عليه ابن ناس

خالد : زى ما تحب

انا : عاوز منى حاجه تانى ولا امشى

خالد : استنى عاوزك فى موضوع مهم

انا : خير فى ايه

خالد : الباشا عاوز يشوفك

انا : باشا مين

خالد : الباشا اللى بشتغل معاه

انا : قصدك اللواء اللى كان معانا فى اسيوط

خالد : لاء ده الباشا بتاعنا كلنا

انا : ويطلع ايه الباشا ده كمان

خالد : ده واحد من الكبار اللى بيتعدوا على صوابع الايد الواحده وهما اللى مدورين البلد

انا : وعاوز منى ايه ده

خالد : معرفش هو اللى طلب كده بقاله يومين وانا مش عارف اوصلك

انا : طب هو عرف انى رفضت اخد الفلوس

خالد : اكيد طبعا هو انا اقدر اخبى عليه حاجه زى دى .... ده ممكن يموتنى فيها

انا : طب تمام شوف الدنيا ولاغينى

خالد : المعاد يوم الخميس بالليل

انا : فين المقا**ه هتكون

خالد : انا هعدى عليك واخدك

انا : خلاص تمام .... فى حاجه تانيه

خالد : لا كده تمام

انا : طب سلام وماتنساش موضوع سولى

خالد : ياعم قولتلك اعتبر الموضوع خلصان

بعد ماسيبت خالد اشتريت عشاء ورجعت الشقه لقيت سولى والداده بتاعته لسه صاحيه

ندهتلها

انا : انا حاسس انى شوفتك قبل كده بس مش فاكره فين

انعام : الدنيا صغيره يا بيه

انا : طب اسمعينى يا انعام فى الكلام اللى هقولهولك ده كويس وحطيه حلقه فى ودنك علشان انا مش بحب اكرر كلامى اكتر من مره

انعام : خير يا بيه

انا : الواد اللى جوه تايه من اهله وانا عملت محضر فى القسم بس مش عارف اوصل لحاجه

انعام : ياضنايا يابنى .... ده تلاقى ابوه وامه قلبهم بيتقطع عليه

انا : اسمعينى وماتقاطعنيش تانى .... انا اكتر حاجتين بكرههم فى حياتى الرغى الكتير او حد يقاطعنى وانا بتكلم ويقول كلام ملهوش اى لازمه

انعام : انا اسفه يا بيه كمل كلامك

انا : سولى ده امانه عندى لحد ما اعرف الاقى اهله .... انتى من النهارده مسئوله عن اكله ونومه .... تخلى بالك منه وتحطيه فى عنيكى .... انتى عندك اولاد

انعام : ايوه عندى اتنين

انا : وهما عايشين مع مين

انعام : عايشين مع امى يا بيه

انا : بصى يا انعام انا هديلك مرتب 3 اضعاف المرتب اللى كنتى بتاخديه من الناس اللى قبلى وه**يكى انتى وعيالك ومش هخليكم محتاجين حاجه بس بشرط

انعام : انا تحت امرك

انا : سولى ميشتكيش منك .... كل طلباته اوامر فهمانى

انعام : فاهماك يا بيه

انا : واعملى حسابك لو قصرتى فى حاجه انا مش هكتفى بقطع عيشك لا انا هود*كى ورا الشمس انتى وعيالك وامك واى غالى عليكى

انعام : ربنا مايجيب اى حاجه وحشه

انا : اهم حاجه عندى انك تحافظى على السر .... اى حاجه تحصل فى البيت لو خرجت انا هقطع ل**نك

انعام : اعتبرنى لا ارى لا اسمع لا اتكلم

انا : تمام كده .... ومن بكره هجيبلك سرير وهحطهولك فى اوضة سولى علشان تلازميه على طول

انعام : اللى تشوفه يابيه

انا : بالنسبه لطلبات البيت من اكل وشروب ولوازم المطبخ كل اللى تحتاجيه تقوليه للبواب وهو هيجيبلك كل حاجه

انعام : حاضر يا بيه

انا : انتى كنتى بتقبضى كام عند الناس اللى قبلى

انعام : 1500 جنيه

انا : انا هديلك 5000 جنيه بس تسمعى الكلام كويس

انعام : ده كتير يا بيه

انا : انا ميهمنيش الفلوس .... كل اللى يهمنى راحة الولد اللى جوه ده

انعام : وانا هحطه فى عينى

انا : فى حاجه كمان عاوزك تنفذيها

انعام : خير يا بيه

انا : سولى وراه مصيبه انا معرفهاش

انعام : ازاى يا بيه

انا : انا هقولك علشان تبقى عارفه انتى هتتعاملى مع ايه بس الكلام ده مايخرجش بره

انعام : السر فى بير ملهوش قرار

انا : تمام كده .... سولى ده اترمى فى الشارع عمد ده على كلامه هو يعنى فى خطر على حياته

انعام : هو فى حد بالقسوه دى

انا : المهم احنا بلغنا الشرطه ولحد دلوقتى ماوصلوش لحاجه ... بس انا خايف عليه علشان كده هنقول للجيران ان ده يبقى اخويا الصغير وهو جيه يعيش معايا ... فهمانى

انعام : فاهماك يابيه

انا : عاوزك تاخدى بالك منه وتحطيه فى عينك لحد ماربك يعدلها ونلاقى اهله

انعام : ربنا يباركلك ويحميك ويد*ك على قد عملك الطيب

انا : يا ستى كلنا اسباب وربك بيبعتنا لبعض

فى فيلا الحصان الاسود .... مرات الحصان الاسود قاعده بتعيط وفجاه دخل عليها جوزها

الست : ايه عملت ايه

الحصان الاسود : مفيش اى اثر فى المستشفيات ولا اقسام الشرطه قلبت البلد كلها من غير اى فايده

الست : طب سالت فى بيت ميرفت

الحصان الاسود : برضه محدش عارف يوصلها وبيقولوا انها مارجعتش البيت من اكتر من شهر

الست : ازاى ما رجعتش البيت من شهر وهى من اسبوعين اخدت اجازه علشان ابنها عيان وعاوزه تراعيه

الحصان الاسود : ابنها ولا عيان ولا نيله ... ده عايش مع ابوه من بعد ما اتطلقوا وانا اتاكدت بنفسى من الموضوع ده

الست : انت عارف كلامك ده معناه ايه

الحصان الاسود : معناه ان ميرفت خ*فت ابننا بس ليه ومين اللى خلاها تعمل كده

الست : مش يمكن تطلب فلوس

الحصان الأ**د : انا مستعد اديها اللى هى عاوزاه بس تتصل وتطمنى عليه .... ولو عاوزه فلوس ايه اللى اخرها دى واخده الولد من 10 ايام

الست : يمكن علشان تخلينا نوافق على الفلوس اللى هتطلبها .... انا عاوزه ابنى اتصرف وجيبهولى باى طريقه مليش دعوه

الحصان الاسود : اعمل ايه انا عملت كل اللى اقدر عليه

وفجاه الباب خبط وكان الغفير

الحصان الاسود : فى ايه

الغفير : فى عربيه وقفت دلوقتى والراجل ادانى الصندوق ده وقالى اديه لسيدك وجرى بالعربيه بسرعه

الحصان الاسود : اخدت نمر العربيه

الغفير : النمر متشاله من العربيه

الحصان الاسود : طب روح انت دلوقتى

الست : ايه فيه الصندوق ده

الحصان الاسود : ثوانى هفتح واشوفه

وفتح الصندوق وكان فيه هدوم وجواب

الست : دى هدوم ابنى انا عارفاها

فتح الجواب : البقيه فى حياتك تعيش وتجيب غيره

وفجاه الست قعدت تصرخ واغمى عليها والحصان الاسود وقع على الارض وحط دماغه على الحيط وصرخ صرخه شقت **ت الليل

نرجع عندى وانا بتكلم مع انعام .. سولى صرخ صرخه جامده ورحت جرى على اوضته

انا : ايه فى يا حبيبى مالك

سولى : حلمت حلم وحش اوووى

انا : متخافش يا حبيبى ده كابوس

سولى : متسبنيش يا عمو انا خايف

انا : متخافش يا حبيبى انا جمبك ومش هسيبك

سولى : انا شوفت بابا تايه فى مكان ضلمه ومش عارف يخرج منه وبيدور عليا

انا : متخافش يا حبيبى ده كابوس

سولى : انا خايف انام وحدى

انا : متخافش انا هنام معاك يا حبيبى

ونمت مع سولى للصبح

فى مكان تانى .... عباره عن قصر كبير فى قلب الصحراء مليان رجاله بسلاح فى كل حته تحس المكان عباره عن قلعه او حصن من المستحيل اختراقه .... فى غرفة اجتماعات موجود اتنين من اعضاء المنظمه فى مصر الطابيه والفيل

الطابيه : ايه الاخبار

الفيل : قرار موته اتاخد خلاص ... ومش هو لوحده

الطابيه : مين تانى

الفيل : هو ومراته وعياله

الطابيه : ليه ده كله كفايه هو وبس

الفيل : المنظمه هى اللى اخدت القرار ده علشان يبقى عبره لاى حد يفكر يعمل زيه احنا فى الاول وافقنا ان ابنه يبقى خليفه من بعده مع ان ده م***ع فى شرعنا بس المنظمه قدرت طول فترة خدمته ليها ووافقت ان ابنه يحل محله وكان المفروض يسافر للمنظمه علشان يقدم فروض الولاء والطاعه ويستلم مكان ابوه .... لكن بعد اللى عمله ده ويطلع ان طول السنين اللى فاتت بي**ق المنظمه واحنا مش حاسين .... يبقى كده هو اللى عجل بنهايته

الطابيه : طب التنفيذ امتى وازاى

الفيل : لسه .... لما نلاقى اللى احنا بندور عليه ساعتها هنخلص منهم كلهم فى ض*به واحده

الطابيه : احنا قلبنا الدنيا كلها ومفيش اى اثر للحاجه

الفيل : هو اكيد عارف انه اتكشف خلاص واكيد برضه عارف ان نهايته محتومه علشان كده هيحاول يخرج الحاجه ويهرب .... علشان كده احنا لازم نراقبه كويس ونراقب اى حد ليه علاقه بيه علشان نوصل لهدفنا وبعد كده نخلص منه

الطابيه : احنا حاطين عيونا فى كل مكان حتى فى قلب بيته

الفيل : كده تمام

الطابيه : طب مين اللى هيحل محله

الفيل : خلاص المنظمه اختارت البديل

الطابيه : مين البديل ده

الفيل : انا معرفهوش بس كل المعلومات اللى عندى انه شخص قدم خدمات كبيره للمنظمه .... المنظمه حطتله اختبارات كتير طول السنين اللى فاتت وهو اجتازها كلها بامتياز ومفشلش فى اى اختبار والملك اختاره بنفسه .... اه والكود بتاعه الحصان الأسود

الطابيه : انا اعرفه كويس واتعاملت معاه كتير

الفيل : اتعاملت معاه امتى وفين

الطابيه : اتعاملت معاه هنا فى مصر وفى فرنسا وفى لندن طول السنتين اللى فاتوا فى تهريب الماس والاثار ده غير العمله وخروج الفلوس من مصر من غير ما اى حد يحس وبصراحه هو شخصيه ذكيه لابعد الحدود ووجوده وسطينا هيفيدنا كتير بالرغم من سنه الصغير بس قدر الفتره اللى فاتت يعمل نقلات مهمه وقدم للمنظمه شغل كتير ... بس فى مشكله

الفيل : خير مشكلة ايه

الطابيه : من معرفتى بيه هيرفض يقدم التضحيه

الفيل : خلاص التضحيه اتقدمت

الطابيه : ازاى ..... مستحيل يوافق انا عارفه كويس

الفيل : هى التضحيه اتقدمت بطريقه غير مباشره زى ما اتعمل مع اللى قبله

الطابيه : وهو عرف ولا لسه

الفيل : لسه المفروض المقا**ه هتتم اخر الاسبوع .... الوزير الأعظم هيوصل بكره علشان يقا**ه ويعرض عليه الانضمام للمنظمه

الطابيه : افرض رفض الانضمام للمنظمه

الفيل : احنا مابنجبرش حد للانضمام لينا

الطابيه : ولو قبل العرض

الفيل : يبقى وقتها لازم ينفذ الجزء التانى

الطابيه : ايه الجزء التانى

الفيل : هو اللى لازم يخلص من اللى قبله علشان يقعد مكانه

الطابيه : بس اللى قبله تقيل جدا ومش بالساهل انه يخلص منه

الفيل : هو ده اخر اختبار ليه .... لو نجح فيه يبقى يستحق انه ينضم لينا

الطابيه : ولو فشل

الفيل : هيبقى فى بديل تانى وده هتبقى مهمته اكبر وهى انه يخلص من الاتنين

الطابيه : انا واثق من انه هينجح .... بس يا ترى احنا هنقدمله اى مساعدات

الفيل : لسه مفيش اوامر باننا نقدمله اى مساعده

الطابيه : انا هتكلم مع الوزير الأعظم فى اننا نساعده

الفيل : انت ليه متحمسله بالطريقه دى

الطابيه : انت لما تعرف هو مين انت هتتحمسله اكتر منى

الفيل : للدرجه دى

الطابيه : واكتر من كده .... ده كنز فى حد ذاته .... ده غير المعلومات اللى عنده والخبره اللى اكتسبها فى الفتره اللى فاتت والشغل الكبير اللى عمله

الفيل : مين ده بالظبط .... انا اعرفه قبل كده

الطابيه : انت اكيد تعرفه بس معرفش اذا كنت اتعاملت معاه قبل كده او لا

الفيل : يطلع مين ده

الطابيه : ده يبقى الكومى اللى اول ماهينزل على الطرابيزه هيقش كل الموجود ... ده الحصان الاسود اللى اول ماهينزل هيغير كل قواعد اللعبه .... حاجه كده محصلتش طول ال 100 سنه اللى هى عمر المنظمه بتاعتنا وما اعتقدش ان هيبقى فى زيه تانى .... وطالما الملك اختاره بنفسه يبقى فى ظرف شهرين تلاته بالكتير هتلاقيه قاعد وسطنا ومش بعيد يبقى الوزير علينا

الفيل : ياريت ياسيدى يبقى قد الكلام اللى انت بتقوله ده

الطابيه : انا واثق انه هيقدر وهيكون الوزير هنا فى مصر واسرع مما تتخيل وفى خلال سنه او اتين بالكتير هيسيب مصر وهيشتغل هناك وساعتها هو اللى هيوزع الورق من اول وجديد

الفيل : مش للدرجه دى .... انت عارف ان مفيش اى مصرى يقدر يوصل للكلام اللى انت بتقوله ده .... ده مستحيل .... اى حد بيشتغل هنا بيبقى اقصى مكانه ممكن يوصلها انه يقعد معانا ويبقى واحد مننا او يبقى الوزير هنا فى مصر ... مش تقولى يشتغل فى المنظمه هناك ..... انت ناقص تقولى انه ممكن يبقى الوزير الأعظم للمنظمه كلها

الطابيه : بكره تشوف

الفيل : بقولك مستحيل

الطابيه : نتراهن

الفيل : موافق بس على كام

الطابيه : مليار دولار ..... انه فى خلال وقت قصير هيبقى الوزير علينا وبعدها هيسافر يشتغل فى المنظمه

الفيل : موافق

خالد المكوجى قاعد مع الباشا

الباشا : ايه اخبار دياب يا خالد

خالد : تمام يا باشا ظهر النهارده وانا اتفقت معاه على المقا**ه يوم الخميس فى المكان اللى احنا اتفقنا عليه

الباشا : تمام كده يا خالد

خالد : تفتكر ياباشا هيقدر على المهمه اللى هتكلفه بيها

الباشا : متخافش هيقدر انا بقالى فتره كبيره حاطط عينى عليه وبقولك يقدر

خالد : طب ممكن يرفض

الباشا : لا متخافش انا هعرف اخليه يوافق كويس

خالد : هو الموضوع كبر اوووى يا باشا

الباشا : اكبر مما تتخيل يا خالد ..... لازم فى اسرع وقت نسيب البلد احنا خلاص بقينا كروت محروقه وممكن فى اى لحظه يخلصوا علينا .... وانت ورجالتك معرفوين واحد واحد يعنى فكرة ان احنا نخلص بنفسنا دى صعبه .... لكن دياب محدش يعرفه ولا حد يتوقعه

خالد : على العموم انا صفيت كل شغلى وممتلكاتى هنا وسفرت مراتى واولادى .... وجهزت اوراق السفر اللى هنسافر بيها انا وحضرتك

الباشا : كده تمام .... عملت ايه فى الورق اللى طلبه منك دياب بخصوص الولد اللى عنده

خالد : انا خلصت كل الورق اللى طلبه منى والمفروض هسلمهوله بكره

الباشا : لا متسلمهوش الورق خليه معايا وانا اللى هسلمهوله بنفسى

خالد : اوامرك يا باشا

الباشا : لازم نض*ب ض*بتنا بسرعه قرار موتنا اتاخد خلاص

خالد : تفتكر هنلحق نخلع قبل ما حد يحصلنا

الباشا : متخافش احنا لو مشينا على الخطه اللى انا رسمتها ... احنا هنض*ب ض*بتنا قبل ما اى حد يحس بينا ونوصل للمكان اللى المنظمه ماتقدرش توصلنا فيه

خالد : تمام يا باشا

نرجع عندى انا يوم الخميس اخدت سولى فسحته واشتريتله هدوم و***ب وحاجات كتير وبعد كده رجعنا الشقه

انا : انا هنزل يا انعام دلوقتى معايا مشوار مهم

انعام : هتتاخر يا بيه

انا : لسه مش عارف .... عاوزك تاخدى بالك من سولى تعشيه وتنيمه ومتسيبهوش ينام فى الاوضه لوحده علشان مايتخضش زى امبارح فهمانى

انعام : حاضر يابيه روح مشوارك وماتقلقش على سولى هحطه فى عينى

انا : ولو احتاج اى حاجه انا سايب فلوس فى الدولاب فى اوضة نومى

انعام : انا مش هخليه يحتاج حاجه

انا : طب انا هدخل اشوفه قبل ما انزل

انعام : اتفضل يابيه

روحت لسولى

انا : ايه ياعم سولى عجبتك اللعب والهدوم اللى جيبناها

سولى : ايوه يا عمو عجبتنى اووووى

انا : بلاش كلمة عمو دى احنا مش اصحاب

سولى : طبعا اصحاب

انا : خلاص قولى يا دياب على طول من غير عمو دى

سولى : حاضر يا دياب من غير عمو

انا : طب انا نازل عاوز حاجه منى

سولى : رايح فين

انا : معايا مشوار كده

سولى : هتتاخر

انا : مش عارف

سولى : انا مش هنام غير لما انت ترجع

انا : لا نام يا حبيبى لانى ممكن اتاخر

سولى : حاضر بس بشرط

انا : خير يا عم سولى

سولى : اول ما ترجع تنام جمبى

انا : حاضر يا سيدى انت تؤمر ... هات بوسه كده قبل ما انزل

بعد كده نزلت قابلت خالد كان مستنينى تحت العماره

انا : ايه ياعم خالد اتاخرت كده ليه

خالد : لازم اتاكد ان انا مش متراقب

انا : ليه يا عم احنا هنعمل حاجه غلط

خالد : لا بس المكان اللى هتقابل فيه الباشا ده مكان سرى مينفعش اى حد يعرفه

انا : ماشى لما اشوف اخرتها معاك انت والباشا بتاعك ده .... اموت واعرف هو عاوز منى ايه

خالد : ساعة زمن وهتعرف هو عاوز منك ايه بالظبط

انا : ماشى يلا بينا خلينا نخلص من المشوار ده

خالد : طب خد البس الماسك ده

انا : وايه لازمة الماسك ده

خالد : دى الاوامر اللى عندى

انا : هات ياعم خالد لما اشوف اخرها معاكم كان يوم اسود يوم ماعرفتك

خالد : بعد ماتعرف المطلوب منك هتدعيلى

ولحد هنا خلصت الحلقة ... ياترى مين الباشا وايه علاقته بالمنظمه وايه عاوز من دياب ده اللى هنعرفه الحلقة اللى جاية