"GEORGINA, huwag kang tumakbo," wika ni Light sa anak ng makababa sila ng kotse ay agad itong tumakbo. Pero hindi naman nakinig ang anak sa kanya dahil nagpatuloy lang naman ito sa pagtakbo.
Mayamaya ay napatingin siya kay Georgette nang magsalita ito sa kanyang tabi. "Hayaan mo na. Mukhang gusto na niyang makita ang kapatid niya," wika naman ng asawa sa kanya.
Nagpakawala naman na siya ng malalim na buntong-hininga. Pagkatapos niyon ay pumaikot ang isang kamay niya sa baywang ng asawa at inalalayan itong maglakad.
Nahihirapan na kasi itong maglakad dahil sa laki ng tiyan nito. Kabuwanan na kasi ng asawa niya sa pangatlo sana nilang anak kung sakaling hindi nawala sa buhay nila si Baby Gianina dalawang taon na ang nakakaraan.
Dalawang taon na ang lumipas simula noong nangyari ang p
