"MAMA! Nandito na po ako!”
Nagmulat ng mata si Georgette nang marinig niya ang matinis na boses na iyon ng anak na si Georgina. Pilit niyang bumangon mula sa pagkakahiga niya sa kanyang kama ng pumasok ito sa kwarto
“Mama ko,” ani Georgina nang makita siya nito.
Pinagkalooban naman niya ang anak ng isang ngiti. “Uhm, baby.”
“Magaling ka na po ba?” masuyong tanong ng anak sa kanya.
“Medyo mainit pa, baby. Pero hindi na ako nahihilo, “ sagot niya sa anak. “Uhm, kamusta pala ang school? Kamusta ang exam mo?” mayamaya ay tanong niya sa anak.
“Okay po, Mama. Tapos iyong exam ko okay din po,” sagot ng anak. “Pero alam mo, Mama. Si James nahuli ni teacher na komokopya kay Erich,” pagku-kwento ni Georgina sa kanya. Kaklase nito sina James at Erich.
“Ano sabi ni Teacher kay James?”
“Pinag
