UUWI na sana si Georgette nang maisipan niyang dumaan sa Yellow Cab para bumili ng pizza na ipapasalubong niya kay Georgina. Naglakad siya papasok sa nasabing establishemento. Nag-order siya ng pizza at hinintay niya iyon. Hindi naman nagtagal ay dumating na ang order niya. Lumabas na siya sa establishemento at naglakad kung saan naka-park ang kotse niya. Sumakay na siya do'n at pinaandar na niya ang kotse.
Mayamaya ay napakunot ang noo niya ng pumugak-pugak ang tunog ng kanyang kotse. Sinubukan muli niyang paandarin iyon hanggang sa tuluyan ng hindi niya mapaandar. Sakit na iyon ng kanyang kotse, ilang beses na kasing nangyari iyon. At kung minsan pa ay nasa gitna siya ng biyahe sa tuwing titirik iyon. Gusto naman niyang palitan iyon pero wala naman siyang extra na pera. Iyong pera kasi
