PAGKALABAS ni Georgette sa banyo ay agad na tumambad sa kanyang mga mata si Light at Georgina na parehong nakasandal sa headboard ng kama. Nakasuot na si Georgina ng damit pantulog. Samantalang si Light naman ay nakasuot ng kulay gray na pajama at puting t-shirt. Kanina ay umuwi ito sa kabilang apartment para maligo at magpalit ng damit. Sa sandaling iyon ay binabasahan ni Light ang anak ng bedtime story. At mukhang aliw na aliw naman ang anak sa binabasa ng Papa nito.
At nang maramdaman ng mga ito na lumabas siya ng banyo ay sabay na nag-angat ang mga ito ng tingin. Nanatili naman ang tingin niya sa anak, ingat na ingat siya na huwag mapatingin kay Light. Hanggang ngayon kasi ay hindi pa rin siya nakakabawi sa after-schock sa sinabi ni Georgina sa kanya kanina. Hanggang ngayon ay malina
