NAG-iinat si Georgette habang naglalakad siya patungo sa kusina. Kagigising lang niya ng umagang iyon, at pag-gising ay wala na sa tabi niya ang asawa. Mukhang maaga itong nagising.
At alam ni Georgette kung nasaan ito, alam niyang nasa kusina ito at abala na naman ito sa pagluluto ng breakfast nila. This past few days kasi ay ito ang nagluluto. Hinahayaan lang naman niya ito dahil tinatamad siyang bumangon at kung minsan ay tinatamad din siyang kumilos.
Pagpasok ni Georgette sa loob ng kusina ay hindi niya napigilan ang makusot ng ilong ng maamoy niya ang niluluto nito. Ayaw niya sa amoy niyon dahil nababahuan siya at pakiramdam niya ay hinahalukay ang sikmura niya. Para siyang nasusuka na ewan.
"Ang baho naman," hindi niya napigilan ikomento. "Nakakasuka ang amoy." Dagdag pa niya. N
