KUMUNOT ang noo ni Georgette nang makita si Light na nakaupo sa sahig at nakasandal ito sa hamba ng pinto ng bahay nila pagkaparada ng sasakyan niya sa harap niyon. Nakapikit ang mga mata nito at napansin din niya ang gatla sa noo nito sa sandaling iyon. Kahit na nakapikit ito ay mababakas sa mukha nito na parang problemado ito. Na para bang pasan-pasan nito ang problema sa buong mundo.
“Ala? Si Papa nakatulog sa labas, Mama.” sambit ng anak nang mapansin din nito ang ama.
Nagpakawala si Georgette nang malalim na buntong-hininga. Pinatay niya ang makina ng kotse at lumabas do’n. Nagtungo siya sa kabilang side ng kotse para pagbuksan niya ng pinto ang anak. Inalis niya ang seatbelt nito saka niya ito inalalayan bumaba ng kotse. Pagkababa nito ay agad itong tumakbo palapit sa ama nito, h
