HALOS mangiyak-ngiyak na si Georgette sa paghahanap ng kanyang anak. Kanina pa siya naglilibot sa loob ng mall para hanapin kung nasaan ang kanyang anak. Nagpunta na din siya sa management ng mall para humingi ng tulong sa mga ito para hanapin ang anak. Inalerto na din ng management ang mga guard sa nasabing mall tungkol sa nawawalang bata. At katulong na din niya ang mga ito sa paghahanap niya sa kanyang anak.
Ipinagdadasal din ni Georgette na sana ay ligtas ito, na walang masamang nangyari dito. Kasi hindi niya kakayanin kung may masamang mangyari sa anak niya. Her daughter was her life. At hindi niya mapapatawad si Light kung sakaling mapahamak ang anak sa kapabayaan nito. At kahit na medyo nahihilo na dahil sa kakalibot ay sige pa din siya sa paglalakad mahanap lang niya si Georgina.
