Chapter Twenty
"Ayaw po, mama!" umiiyak na si Avery nang dumating si Mackenzie. Agad na binuhat nito ang bata as if sanay na sanay siyang gawin iyon.
"Si Uncle Zie ito, Avery. Kailangan mong uminom ng gamot. Nilalagnat ka na. Kung hindi ka iinom tapos lumala iyang sakit mo ay hindi tayo makakapag-play sa labas. Gusto mo ba iyon?"
"No. Gusto ko play," iyak nito.
"Dahil gusto mong mag-play pwede bang help mo kami ni mama? Inumin mo na ang medicine mo, Avery. Para gagaling ka na," ngunit isiniksik lang ni Avery ang mukha niya sa leeg ni Mackenzie. Napabuntonghininga ako. Kapag nagkakasakit ang bata ay ganito kami lagi. Pahirapan. Hindi siya mapakiusapan. Madaldal man at madalas astang matanda ay hindi maipagkakaila na bata pa rin ito. Magta-tantrums kapag ipipilit dito ang ayaw nito.
"Ay
