Kabanata 51
S U N N Y
Hinanda ko na ang relong regalo ko kay Silver. Para mamaya pagpunta niya dito ay maibibigay ko agad sa kanya. Sabi niya pupunta siya kahit may training kami. Hindi ko lang alam kung pwede iyon dahil sa pagkakaalam ko bawal kami tumanggap ng bisita kapag may trabaho. Pero bahala na. Pakikiusapan ko na lang si coach. Tutal mamaya pa naman siya darating sabi niya pagtapos ng training.
“Saan galing ‘yan?” Napabaling ako kay Alistair na kalalabas lang ng bathroom. Naabutan niya akong nilalapag ang relo sa ibabaw ng maliit na drawer sa tabi ng kama ko.
“Ah, ito? Regalo ko ‘to kay Silver. Birthday niya kasi ngayon.”
Muli niyang ibinalik ang tingin sa relo bago tumalikod at nagtungo sa side niya ng kwarto.
“Maganda ba? Tingin mo magugustuhan niya?” tanong ko.
Tumango s
