University of Calumpang

Prologue Hindi ito ang unang araw na pumasok si Rhina sa Universidad na ito ngunit may kaba pa rin sa kanyang dibdib kapag kanyang iisipin ang mga posibilidad na mangyare sa kanya ngayong taon. Pumapasok sa kanyang isipan ang mga tanong na paulit ulit " May magiging kaibigan Kaya ako? o mangyayare lang ulit sakin ang nangyare noon?". Hindi ako mapakali sa aking kinauupuan kaya itinuon na lamang ang aking atensyon sa elepono at kinausap ang aking girlfriend na si Ameigure. “ Mahal umuwi na lang kaya ako?kinakabahan talaga ako eh” sambit ko sa aking girlfriend. “ Mahal naman kumalma ka muna okay?” sambit nito. Limang buwan na rin ang lumipas simula ng magsimula ang pagmamahalan naming dalawa, walang araw na hindi niya pinapagaan ang loob ko siya ang isa din sa dahilan bakit pinili ko na dito muli mag aral. “ Mahal kaya mo yan! Fighting lang I love you ” muling reply ng aking girlfriend. Maya maya pa ay may isang di katandaang babae ang pumasok na sa aking palagay ay ito ang aming guro. “Good Morning 11- Consensus” bati ng guro na ngayon ay nasa harapan. “ Good Morning ” sabay sabay naming sambit. “ Gusto ko ipakilala ang sarili ko sainyo ng formal, Ako si Camelia S. Baque ang inyong Class adviser at ang inyong Local Guiding Teacher” sambit nito at nagbigay ng isang maliwanag na ngiti para sa lahat. Lahat ay isa isa ng pinakikilala ang kanilang sarili, isang tao nalang ang natitira at ako yon. “ Hello everyone, I'm Rhina Sanchez you can use to call me as Rhina” pag papakilala ko sa aking sarili. Nakakapagtaka na halos lahat sa paligid ko ay sa akin nakatuon ang atensyon gusto ko man makipag usap sa mga taong katabi ko pero parang iniiwasan nila ako. Tahimik akong nanonood sa cellphone ko ng may isang babaeng kumausap sakin. “ Hi, ano nga ulit pangalan mo?” paninimula nito habang ang iba naman ay tahimik na nakatingin samin. “ Rhina, ikaw ba?” tanong ko pabalik “ Alexandra, pero Alexa nalang itawag mo sakin” saka nagbigay ng isang ngiti. Pagkatapos na yon ay isa isa na akong kinausap ng aking mga kaklase at nakabuo ng isang masayang circle of friends. “ Weh? Bisexual ka?” tanong ni Hera habang ang ngiti niya ay napaka lawak. “ Same” tipid na sagot naman ni Kimmy na busy sa panonood ng mga music video ng groupong Enhypen. Lumipas ang mga oras at sa araw na to 3 teacher ang aming nakilala, sila Ms. Baque, Ms. Qudal at Mr. Antes. 1:30 na ng hapon ng I announced na ang aming pansamantalang uwian dahil na rin sa wala ang ibang guro ay hindi pa dumadating katulad ng pinag-usapan namin ng aking girlfriend na si Ameigure nagkita kami sa 7/11 para sabay kami umuwi. Hindi Kasi kami pareho ng school na pinasukan dahil na rin sa magkaiba kami ng strands na kinuha, TVL ang kinuha ko samantala naman siya ay STEM. Pagdating na pagdating ko sa 7/11 sumalubong sakin ang aking girlfriend bitbit ang isang kape, ( alam na alam mo talaga ang gusto ko)bulong ko sa aking isipan. Kasama niya ang kanyang mga kaibigan na sila Cassie, Lyca at Monica “ Mahal, oh para sayo ” sambit nito saka ako hinalikan sa pisnge. “ Tara na?” tanong ko sa kanya sabay na hinawakan ko ang kanyang kamay. Tumango na lamang siya kaya nagsimula na kaming maglakad, samantala naman ang mga kaibigan niya ay sa ibang direksyon dumaan tanging si Cassie lang ang kasabay namin. “ Mahal lalabas pala kami bukas nila Cassie sama ka?” tanong sakin ni Ameigure. “ Next time na lang mahal aasikasuhin ko ang mga kailangan ko para sa school, kayo na lang muna” sambit ko at sabay na tumingin Kay Cassie na ngayon ay nakangiti. “ oh tuwang tuwa ka jan” sambit ko sabay na tinaasan siya ng kilay. “ Syempre naman solo ko bukas si Amei eh, HAHAHAH” sambit nito sabay na tumawa ng malakas. “ Bukas lang tol, dapat ibabalik niyo sakin to buo parin umayos ka!” pasigaw kong biro napuno naman kaming tatlo ng tawanan hanggang sa maihatid ko na si Ameigure, samantala naman si Cassie ay lumiko na ng ibang kalye isang kalye lang din Ang layo ko sa bahay ng Girlfriend ko kaya kapag umaga ay Hinahatid ko siya bago ako pumasok. Chapter 1 Rhinaaa! Rhinaaa! Sigaw na nagmumula sa labas ng pinto ng kwarto ko,agad naman akong lumabas para tignan kong sino ang taong kanina pa sigaw ng sigaw. Sakto na pagbukas ko bumungad ang nakataas na kilay ng kapatid kong si Freya. “ Kanina pa kaya kita ginigising tignan mo kung anong oras na” sambit nito kaya agad kong tinignan ang oras sa aking relo ikinagulat ko ng makita kong 5:45 na Ang oras ng pasok ko ay 7:00 am pero maliligo kakain at ihahatid ko pa ang girlfriend ko. Hindi ko na ulit inintindi pa ang sasabuhin sana ng kapatid ko dali dali kong sinara ang pinto at pumunta ng cr para maligo. Lumipas ang 15 minuto ng makatapos ako sa pagligo agad naman akong nagbihis at nagmadaling bumababa para mag almusal. Bitbit ang aking bag ay agad akong lumabas ng aking kwarto di na ako gaano kumain ng marami binitbit ko nalang ang dalawang piraso ng hatdog at saka binuksan ang cellphone ko. Pagbukas ko ng cellphone ay bumungad sakin ang text message ni Ameigure. "Mahal nakaalis na ako ng bahay, mag-iingat ka sa pagpasok I love you" Isang mabigat na buntong hininga na lamang ang naibuga ko sa hangin. “Hindi na niya ako nahintay,siguro nagmamadali lang siya” pangungumbinsi ko sa aking sarili. Tahimik na naglalakad ako papasok ng masalubong ko si Alexa, kasama ang dalawa pang lalaki. “Rhina! Good morning!” sigaw nito. “ Good morning din” pagbati ko sabay na tumango sa dalawang lalaki na kasama niya, simbolo na kasama sila sa pagbati ko. “Saka nga pala ito si Carlos, boyfriend ko at it naman si Jayson Kaibigan namin” sambit nito sabay kumapit sa braso ng kanyang boyfriend. “ hi Rhina, Jayson nga pala ” sabay na inaabot sakin ang kanyang kamay at agad ko rin naman ito tinanggap. Pagkatapos namin bumili ng kape sa 7/11 ay dumaretso na kami papasok,napuno naman kaming apat ng tawanan at kwentuhan habang naglalakad kami. Pagdating namin sa hallway ay kinuha ni Jayson ang sss name ko at agaran naman siyang nag send ng friend request masaya sila kasama at hindi mahirap pakisamahan. Rhinaaa! Alexaaa! Isang matining na boses ang narinig namin mula sa likuran, ito pala ang mga lalaki naming kaibigan na isa sa nakipag kaibigan sakin kahapon sila Kaizer, Ethan at William. Kasama naman ng mga ito sila Kimmy at Hera. “ hi girls ” sambit ni Kaizer at sabay umakbay sakin. “ Ang tagal niyo naman ” pagrereklamo naman ni William sabay tingin sa bag na bitbit niya na tila nagrereklamo din sa bigat. “ kukunin kunin mo sakin yan tapos magrereklamo ka?akin na nga yan!” bulyaw naman ni Hera,dahil mas matangkad si William ay walang nagawa si Hera dito para lang siyang batang nakikipaglaro sa tatay niya dahil nadin sa tangkad ni William. “ Binibiro ka lang naman lalabs ko nagagalit agad” sambit ni William at sabay kamot sa kanyang sintido. Lumipas ang ilang minuto ng pagkukulitan namin sa hallway, nagdesisyon na ang lahat na pumasok na sa room dahil 5 minuto ay magsisimula na rin naman ang klase.