Bandang alas tres nang mapagpasyahan naming tumambay na muna ni Melvin sa seaside na paboritong tambayan sa Mall of Asia. Hindi ganoon katirik ang araw para sa hapon na iyon, bagkus ay mas malakas pa ang hangin.
Dinig ko pa ang pagdampi ng hangin sa kalawakan ng Manila Bay, pati ang paghampas ng alon sa naglalakihang bato na naroon sa ibaba ng kinauupuan namin ni Melvin. Maging ang huni ng ibon sa kalangitan na masayang nagliliparan.
Sa ganitong oras ay nagsisimula nang dumami ang mga tao sa paligid. Samu't-sari ang boses na naririnig ko, ang halakhakan at mga sigawan. Samantala ay para lang kaming naligaw ni Melvin sa lugar na iyon dahil sa katahimikang namumutawi sa aming dalawa.
Matapos kasi naming makalabas sa Cyberzone kanina ay tila nagkaroon ng duck tape ang bibig namin at hindi
