Lahat ng lakas ay may hangganan, hindi sa lahat ng pagkakataon ay palaging malakas ang isang tao dahil darating din iyong araw na unti-unti silang manghihina. Iyong tipong hindi na nila kayang lumaban pa para sa sarili.
But yeah, mas gusto kong maniwala na walang mangyayaring masama kay Melvin. Isa ako sa nagpatunay na he's strong and tough para harapin ang paulit-ulit niyang problema sa buhay— iyon ay ang sakit niya.
Mayamaya pa nang muli akong iupo ni Vanessa, samantalang ang magkakaibigan ay nakatayo at nakasandal sa puting pader ng hospital. Kaniya-kaniya silang pwesto na matiyagang naghihintay sa magiging resulta.
Tahimik na lang din ako ngayong umiiyak habang taimtim na nagdarasal. Nagawa ko man kwestiyunin ang Diyos, bandang huli ay sa kaniya pa rin pala ako lalapit para lang hu
