"Oo nga pala." Tumigil ako sa paglalakad ko nang malingunan ko ang nag-iisang picture frame na naroon sa gilid mula sa sala.
Si Melvin naman ay tahimik na nakaupo sa pahabang sofa habang nanonood sa malaki nitong flatscreen TV. Pasado alas kwatro na ng hapon ngayon, hindi ko ba alam at kung bakit hindi pa ako umuuwi.
Mas gusto ko kasing samahan si Melvin dito sa malaki niyang bahay, baliwala nga kung mapanis man ang laway ko dahil bihira lang itong umimik. Naging sapat na sa akin ang presensya nito upang mapanatag ako.
Tiningala ako nito, saka ko naman kinuha ang picture frame na iyon at ipinakita kay Melvin. Family picture nila itong apat kung saan nandoon din si Marvin na katabi ang timid na batang si Melvin, tantya ko pa ay walo o sampung taong gulang pa lang siya rito.
"Bakit hindi
