"Ahh! f**k, Melvin!" impit kong sigaw habang mahigpit pa ang pagkakakapit sa unan.
Halos maramdaman ko ang mga kuko ko sa palad, kasabay nang pikit-mata kong nararamdaman ang sakit na nanunuot sa kaibuturan ko. Tila ba nagsusumiksik iyon sa kasuluk-sulukan ng mga ugat ko.
"Melvin, ohh!" segunda ko, mayamaya lang nang mapatili ako nang tampalin niya ang pwet ko.
"Ano ba, Chloe! Para kang niroromansa riyan," palatak nito kung kaya ay natawa ako.
"Ang sakit kaya! Kasalanan mo 'to, e."
Umirap ako, kahit pa nakasubsob ang mukha ko sa unan. Nakadapa kasi ako ngayon, samantalang si Melvin ay naroon sa tabi ko at hinihilot ang balakang ko, maging ang binti at ilang masakit sa akin.
Dinaig ko pa iyong naaksidente. Tama nga iyong sinabi ni Doc. Gabriel, kung may hagdan lang din talaga rito sa
