Ilang saglit pa nang sabay kaming makapasok ni Trevor sa villa, mula pa sa pool area ay bumungad sa amin sina Leo na nagtatampisaw doon. Kasama nito ang buong squad, pati na rin ang mga kababaihan.
"Oh, nandiyan na pala kayo," anang Warren na unang nakapansin sa amin.
"Chloe!" sigaw nina Elsa at Jinky na maagap akong dinamba ng yakap.
"Hoy, nag-alala kami sa 'yo. Akala namin ay nakain ka na ng pating," sambit ni Vanessa na sumunod din pala para lapitan ako.
Natawa ako, mayamaya lang nang magbaba sila ng tingin sa mga hawak kong teddy bear. Nagulat pa ako nang isa-isa nila iyong hatakin at kunin sa akin, ang iba pa ay ibinigay kina Venice. Maliliit lang naman iyon, kaya nagkasya na sa aming siyam.
Alanganin pa ako nang malingunan ko si Cheryl dahil wala siyang natanggap, gusto ko pa sa
