Ewan ko, feeling ko ay araw-araw naman akong nagsisinungaling sa tuwing nababanggit kong okay lang ako. O 'di kaya kapag sinasabi kong galit ako kay Melvin, when in fact ay hindi naman talaga.
"Pwede bang gayahin ang sagot ng isa?" maang na pagtatanong ni Travis.
"Yes. Malay mo naman, iisa lang sila ng tinutukoy. Tama ba ako, Chloe?" ani Vanessa.
"Huh?"
"Nevermind. Okay, spin the bottle."
Sa pag-ikot ng bote ay dahan-dahan iyong tumapat kay Elsa, nagulat pa ito nang makitang si Marvin ang katapat niya. Bulgar na nanlaki ang mga mata nito, tila ba hindi makapaniwala sa katotohanang iyon.
"What's your biggest insecurity, Queen Elsa?"
It was like a slambook.
Dati ay mahilig akong sumagot sa ganitong tanungan, ako pa nga noon ang nangunguna sa unang page ng kaklase ko way back in eleme
