Masakit man ang paa ay deretso akong naglakad palabas ng hospital, gaano ko man kagustong lingunin ang pwesto nito upang tingnan ang naging reaksyon niya ay hindi ko naman magawa. Ayaw lang akong pagbigyan ng leeg ko.
Nang tuluyang makalabas ay saglit akong napahinto sa katotohanang wala naman akong dalang kotse, ngayon ay poproblemahin ko pa na kailangan kong mag-commute.
Kung bakit naman kasi nangyayari ito? Mariin akong napapikit upang pakalmahin ang sarili, bukod sa pagkainis ay malakas din ang pagtibok ng puso ko. Napahinga ako nang malalim, saka ko naman inilabas ang cellphone ko at nag-dial ng numero.
Kaagad kong itinutok iyon sa tainga ko habang naiinip na naghihintay na sagutin ang linya. Itinukod ko pa ang isang kamay sa baywang ko dahil masyado akong nangangalalay sa pagkakat
