Nangunot ang noo ko nang tila may hanging tumatama sa mukha ko, rason iyon para dahan-dahan akong magmulat. Kasabay pa nito ay ang maagap na paglayo ni Melvin na siyang nagulat ko yata sa paggising ko.
Ganoon din ako, bulgar na nagsalubong ang dalawang kilay ko nang matantong nakahiga ako sa pahabang sofa mula sa hindi ko malamang lugar. Teka, nasa opisina niya na ba kami? Binuhat niya ba ako?
Bago iyon intindihin ay maigi ko munang tinitigan si Melvin, mabilis na nagbago ang emosyon nito. Mula sa kaninang gulat niyang reaksyon, ngayon ay dinaig na naman nito ang isang yelo sa panlalamig niya.
"Anong nangyari?" mahinang sambit ko habang nangungunot pa rin ang noo.
"Hindi mo alam?" maanghang na palatak ni Melvin, kapagkuwan ay marahas itong tumayo mula sa kaninang pagkakaluhod niya.
Na
