Malalim na ang gabi. Banayad ang taghoy ng hangin. Sumayaw ang sanga ng mga puno at nag-ingay ang mga dahon. Niyakap ni Azora ang sarili at nagpatuloy sa pag-abante tungo sa dilim.
Alas-onse na ng gabi at wala nang kotseng dumadaan sa kalsada. Naisip niyang 'yon ang tamang oras para tumakas mula sa bahay ni Robert. Hindi naman kasi siya bibigyan ng pagkakataon ni Robert na lumapit sa Clasiso.
Isa lang naman ang gusto niya -- magpaliwanag.
Alam niyang bitag ng Clasiso ang ginawa nitong pagpapakalat sa kaso, pero hindi siya pinapatahimik ng konsensiya niya. Araw-gabi niyang inaalala ang gabi ng pagkamatay ni Anthony. Hindi siya nakakatulog nang mahimbing gabi-gabi. Hindi na niya kaya ang sigaw ng konsensiya niya. Kaya magpapakita siya sa harap ng mga ito.
Gusto niyang magpaliwanag sa
