Ayumi
Bumubuti na ang lagay ni mommy. Salamat sa Panginoon at dalawang linggo lang ang tinagal niya sa ospital. Nagpapahinga na siya ngayon sa aming tirahan sa Cavite. Plano ko ngang umuwi sa susunod na araw pagkatapos ng aming rehearsal sa studio.
"Ang bait mo talaga, Ayumi. Hindi mo pa rin kami nakakalimutan," nakangiting sambit ni Camille.
Isa siya sa mga best friend ko noong college.
Nandito kami ngayon sa Boracay dahil birthday celebration ng isa naming kaibigan na si Everleigh. Graduate na sila ng college at nakapasa na rin sa CPA board exam.
Hindi ko rin maiwasan na hindi mainggit sa kanila dahil nakatapos na sila ng pag-aaral. Noong nasa high school pa ako, hindi ko alam kung ano'ng kukunin kong course sa college. Noong bata ako gusto kong maging nurse. Tapos mag-Tourism. Sa d
