“SO, WHEN is your wedding couz?” nakangiting tanong ni Cariba habang magkausap sila sa video call.
Nakahiga na ang dalaga sa kama nito dahil gabi na roon sa Madrid, samantalang umaga naman sa Pilipinas. Naghahanda siya ng kaniyang susuotin dahil mamaya lang ay aalis siya at uuwi sa kanila para makausap ang magulang niya tungkol sa proposal sa kaniya ni Uran. Balak sana niyang hintayin na lamang ang binata para isama ito sa pag-uwi niya sa Antipolo, pero naisip niyang siya na lamang muna ang mauunang kumausap sa papa at mama niya. ’Tsaka na lamang sila babalik ulit sa kanila para makausap ng personal ni Uran ang mga magulang niya.
“Pinag-iisipan ko pa rin couz kung kailan. Hindi pa kasi ako makapag-decide ng date e.” Aniya habang nakatalikod siya sa kaniyang laptop na nasa ibaba ng kama
