“NASAAN tayo sinta?” tanong niya nang alalayan na siya ni Uran na makababa sa front seat ng sasakyan nito. Kaagad niya ring inilibot sa buong paligid ang kaniyang paningin. Isang mataas na pader ng bahay ang nakatayo sa harapan nila. May maliit din na gate sa gilid ng malaki at itim na gate na gawa sa bakal.
“Let’s go inside first wife.” Saad ni Uran at ipinagsalikop ang kanilang mga palad at iginiya siya papasok sa maliit na gate na iyon.
Namangha naman siya bigla nang pagkapasok nila ni Uran doon ay isang malaking bahay pala ang nasa likod niyon. Malawak na garahe rin ang bumungad sa kaniya.
“Sinta, kaninong bahay ito?” nagtatakang tanong niya.
Isang malalim na buntong-hininga ang pinakawalan ni Uran sa ere ’tsaka siya nito kinabig sa baywang at hinalikan ang gilid ng kaniyang noo
