ISANG LINGGO na silang nananatili sa Pangasinan, sa lupaing pag-aari ng Señor Salvador. At aaminin ni Sirak na labis ang kaligayahan ng kaniyang puso sa mga araw na iyon dahil kasama niya ang kaniyang iniirog. Naging payapa at tahimik ang buhay nila ni Uran doon. Wala silang ibang ginawa kun’di ang magsaya at iparamdam ang pagmamahal nila para sa isa’t isa. She’s happy. Kasi lahat na ata ng paraan ng pagpapakita ng pagmamahal sa isang tao ay nagawa na ni Uran sa kaniya para lang mapatunayan nito kung gaano siya nito kamahal.
Sa loob ng isang linggong pananatili nila roon, marami siyang natuklasan na mga bagay tungkol sa binata. Ganoon din naman ito sa kaniya. Mas nakilala pa nila ang isa’t isa. Iyon ang dahilan kung bakit mas lalo pang lumalim ang pag-ibig niya para kay Uran. Sobra din it
