BIGLANG nangunot ang noo ni Uran nang mawala sa kabilang linya ang dalaga. “Hello? Babe? Sirak!” saglit na inilayo niya sa tapat ng kaniyang tainga ang cellphone ni Paulo upang tingnan ang screen niyon... call ended na pala ang tawag ng dalaga.
“Bakit? Ano ang nangyari?” tanong ni Paulo sa kaniya.
“I don’t know. Biglang naputol ang linya.” Nagkibit siya ng kaniyang mga balikat at iniabot kay Paulo ang cellphone.
“Wait at susubukan ko ulit tawagan.” Anito.
Pero puro ring na lang nang ring ang kabilang linya. Hindi na sinagot ni Sirak.
“B-baka may problema lang.” Saad pa ni Paulo.
Nagpakawala siya nang malalim na buntong-hininga pagkuwa’y pabagsak na umupo sa sofa. Nasa bahay niya si Paulo. Pinuntahan siya nito kanina para daw mangamusta ito sa kaniya. Saglit niya itong iniwan kanin
