TAHIMIK lamang na umiiyak si Sirak sa sulok ng kuwarto na iyon. Hanggang ngayon ay iniinda pa rin niya ang kirot sa kaniyang puso dahil sa mga sinabi sa kaniya ni Sugar kanina. All these time, inakala niyang totoong kaibigan si Sugar... pero nagpapanggap lang pala ito sa kaniya. Itinuring niya itong totoong kaibigan, totoong kapatid, tapos ito lang pala ang gagawin nito sa kaniya? Tatraydurin siya nito? Hindi pa nga siya nakakahupa dahil sa mga nalaman niya tungkol sa kapatid niyang si Jefrex, tapos bigla rin itong sumunod. God, ano pa ang susunod sa problemang ito? Masiyado na siyang nasaktan dahil sa dalawang taong minahal niya at inakala niyang totoo sa kaniya.
Napalingon siya sa bumukas na pinto ng kuwarto. Kahit nanlalabo ang kaniyang mga mata dahil sa kaniyang mga luha, kitang-kita
