Napalunok ako nang mas lalo niyang ilapit ang kanyang mukha sa akin. Kung may makakakita sa amin, iisipin na maghahalikan kami.
" Raphael," nauutal kong pagtawag sa kanyang pangalan.
" Gusto mo na bang marinig ang sagot ko?" sabi niya sa akin na para bang nang-aakit.
Hindi ako nakapagsalita dahil pakiramdam ko ay para akong binuhusan ng malamig na tubig. Hindi makagalaw at walang boses ang lumalabas sa aking bibig.
" Napagtanto ko sa aking sarili na ang gwapo gwapo ko!" sabi niya sa akin at sinundan niya ng malakas na pagtawa.
Medyo lumayo siya sa akin at patuloy na tumatawa sa hindi ko alam na dahilan. Napapikit ako ng aking mga mata dahil parang naisahan niya ako donn! Langya siya! Akala ko kung ano na ang sasabihin niya sa akin!
" Bakit ka ba tumatawa ng malakas?" nagtataka k
