Eleven thirty ng umaga nang makalabas kami ng Velana International Airport dito sa Maldives.
Medyo nahihilo at parang nabibingi pa ako nang makalabas kami ng private airplane nina Raphael. First time ko kasi at noong una ay natakot pa ako sumakay. Wala lang akong nagawa kasi hinila ako ni Raphael papasok ng Eroplano.
Ang aga niyang dumating kanina sa aming bahay, wala pa yatang alas sais ay nasa sala na siya ng aming bahay. Buti na lang at maaga akong nagising at nakapaghanda kung hindi ay matataranta ako.
Halos pitong oras din ang naging byahe namin papunta dito sa Maldives. Kanina habang nasa himpapawid kami ay kitang kita ko ang mga islang nagkalat at mula sa taas ay makikita mo na ang ganda ng Maldives. Para lang itong Hudreds Island sa Pilipinas.
" Tara na para makarating na
