Hindi totoo na magkikita kami ngayon ni Donya Cecilia, ng aking mother-in-law. Sadyang iniwan ko si Hero at Rose sa bahay para masabi ni Hero ang mga bagay na gusto niyang sabihin sa aking asawa.
Hindi lingid sa kaalaman ko, na aalis na ang aking kaibigan. May mga pasaring siya na sinasabi na natunugan ko na, na malapit na itong umalis. Alam ko rin kung gaano niya kagusto si Rose. Sadyang ginagalang lang nito ang pagkakaibigan namin, kaya't mas pinili na lang siguro na lumayo.
Tatlong buwan na rin ang lumipas magmula ng magpasa ito ng resignation letter sa akin. Ang humalili kay Hero na assistant ko ay kabisado na ang linya ng kanyang trabaho, kaya't sigurado na one of those days, aalis na ang kaibigan ko.
Naupo ako sa isang park at nakangiti na tumingala sa langit. Perpekto ang buha
